Dinamalar

ரூ.4500 கோடி வசூலித்த 'ஸ்பைடர்மேன் - நோ வே ஹோம்'

டாம் ஹாலந்த், ஜென்டயா மற்றும் பலர் நடிக்க ஜோன் வாட்ஸ் இயக்கத்தில் கடந்த வாரம் உலகம் முழுவதும் வெளியான படம் 'ஸ்பைடர்மேன் - நோ வே ஹோம்'. இப்படத்திற்கு சிறியவர்கள் முதல் பெரியவர்கள் வரை தியேட்டர்களுக்கு வந்து படத்தைப் பார்த்துக் கொண்டிருக்கிறார்கள். முதல் வார இறுதியில் இப்படம் உலகம் முழுவதும் சுமார் 600 மில்லியன் யுஎஸ் டாலர்களை வசூலித்துள்ளதாம். இந்திய ரூபாய் மதிப்பில் 4500 கோடி. இதன் மூலம் முதல் வாரத்தில் அதிக வசூலைப் பெற்ற மூன்றாவது ஹாலிவுட் படம் என்ற பெருமையை இப்படம் பெற்றுள்ளது.

இந்தியாவில் மட்டும் இப்படம் நான்கு நாட்களில் 140 கோடியை வசூலித்துள்ளது. உலக அளவில் 'ஸ்பைடர்மேன் - நோ வே ஹோம்' படத்திற்கு அதிக வசூலைக் கொடுத்த நாடுகளில் இந்தியா 5வது இடத்தில் உள்ளதாம்.

இந்தியாவில் இதற்கு முன்பு வெளியான 'ஸ்பைடர் மேன்' படங்களில் 'ஸ்பைடர்மேன் - ஹோம் கம்மிங்' படம் 60 கோடி ரூபாயையும், 'ஸ்பைடர்மேன் - பார் பிரம் ஹோம்' படம் 86 கோடி ரூபாயையும் முதல் நாள் நிகர வசூலாகப் பெற்றிருந்தது. 'ஸ்பைடர்மேன் - நோ வே ஹோம்' படம் 109 கோடி ரூபாயை நிகர வசூலாகப் பெற்றிருக்கிறது.

சிறந்த ஆக்ஷன் ஹாலிவுட் படங்களுக்கு இந்தியாவில் எப்போதுமே நல்ல வரவேற்பும், வசூலும் உண்டு என்பதை இப்படம் மீண்டும் நிரூபித்துள்ளது.

• 
  கணவர் மீது புகார் அளித்துள்ள செலினா ஜெட்லி
• 
  ஜோசப் ரீமேக்கை பார்க்காமலேயே தர்மேந்திரா மறைந்து விட்டார் : மலையாள ...
• 
  ஹிந்தியில் மீண்டும் தடம் பதிப்பாரா தனுஷ்?
• 
  சினிமா டூ அரசியல் : பாலிவுட்டின் ‛ஹீ மேன்' தர்மேந்திராவின் வாழ்க்கை ...
• 
  ஹிந்தி நடிகர் தர்மேந்திரா காலமானார்

• 
  நான் நிஜமாகவே அதிர்ஷ்டசாலி : மாளவிகா மோகனன் மகிழ்ச்சி
• 
  முதன்முதலில் அதிகமாக ட்ரோல் செய்யப்பட்ட படம் 'அஞ்சான்': இயக்குனர் ...
• 
  கீர்த்தி சுரேஷ் வைத்த அன்பான கோரிக்கையை நிராகரித்த தனுஷ்
• 
  விஜய் ஆண்டனி இசையமைத்து பாடிய பூக்கி படத்தின் முதல் பாடல் வெளியானது!
• 
  தனுஷின் தேரே இஷ்க் மெயின் படத்தின் ப்ரீ புக்கிங் எவ்வளவு?