Dinamalar

36 வருடங்களுக்கு பிறகு டிஜிட்டலில் ரீ ரிலீஸ் ஆகும் மம்முட்டியின் 'ஒரு வடக்கன் வீரகதா'

தென்னிந்திய திரையுலகில் சமீப காலமாகவே பல வருடங்களுக்கு முன்பு வெற்றி பெற்ற முன்னணி ஹீரோக்களின் ஹிட் படங்களை ரீ ரிலீஸ் செய்யும் போக்கு அதிகரித்து வருகிறது. மலையாள திரை உலகையும் இது விட்டு வைக்கவில்லை. அதிலும் குறிப்பாக நடிகர் மம்முட்டி நடித்த படங்கள் மாதத்திற்கு ஒன்று என்பது போல் கடந்த வருட இறுதியிலேயே தொடர்ந்து ரீ ரிலீஸ் செய்யப்பட்டு வருகின்றன.

மம்முட்டி நடித்த 'பாவேரி மாணிக்கம், ஆவனாழி, வல்லியேட்டன்' ஆகிய படங்கள் அக்டோபர், நவம்பர், டிசம்பர் மாதங்களில் அடுத்தடுத்து ரீ ரிலீஸ் செய்யப்பட்டன. இந்த நிலையில் 1989ல் மம்முட்டி நடிப்பில் வரலாற்று படமாக உருவாகி அவருக்கு தேசிய விருதையும் பெற்று தந்த 'ஒரு வடக்கன் வீரகதா' என்கிற திரைப்படம் 4k முறையில் டிஜிட்டலுக்கு மாற்றப்பட்டு வரும் பிப்ரவரி 7ம் தேதி ரீ ரிலீஸ் செய்யப்பட இருக்கிறது.

இந்த படத்தில் சந்து செக்காவர் என்கிற கதாபாத்திரத்தில் நடித்துள்ள மம்முட்டியுடன் நடிகர் சுரேஷ் கோபியும், ஆரோமல் செக்காவர் என்கிற மிக முக்கிய கதாபாத்திரத்தில் நடித்துள்ளார். சமீபத்தில் மறைந்த பிரபல கதாசிரியரும் இயக்குனருமான எம்.டி வாசுதேவன் நாயர் இந்த படத்தின் கதையை எழுதியுள்ளார். சிறந்த நடிகர் உட்பட பல தேசிய விருதுகளை இந்த படம் வென்றது. இயக்குனர் ஹரிஹரன் இந்த படத்தை இயக்கியிருந்தார். இந்த படம் மீண்டும் டிஜிட்டலில் ரீ ரிலீஸ் ஆவதை முன்னிட்டு மலையாள நடிகர் சங்க கட்டட அலுவலகத்தில் இதன் டிரைலர் சமீபத்தில் வெளியிடப்பட்டது. இந்த நிகழ்வில் நடிகர்கள் மம்முட்டி, மோகன்லால், சுரேஷ்கோபி மூவரும் கலந்து கொண்டனர்.

• செய்திகள்
• வந்த படங்கள்

• 
  என் முடிவை நானே தான் எடுக்கிறேன் - ஜுனைத் கான் பேட்டி
• 
  தனுஷிற்கு ஜோடி கிர்த்தி சனோன் : அதிகாரப்பூர்வ அறிவிப்பு
• 
  சர்ச்சைக்குரிய நடன காட்சி நீக்கம் : அமைச்சரின் எதிர்ப்புக்கு பணிந்த ...
• 
  அசத்தல் கிளாமரில் ஆலியா பட் : வைரலாகும் போட்டோ, வீடியோ
• 
  'தி இந்தியா ஸ்டோரி' படப்பிடிப்பு துவங்கியது : சொல்லப்படாத கதை என்கிறார் ...

• 
  ஜான்வி கபூரின் கேரளா டைரீஸ் ; கைடாக மாறிய மலையாள நடிகர்
• 
  மஞ்சு வாரியர் பட இயக்குனர் மீது மீண்டும் போலீசில் புகார் : இயக்குனர் ...
• 
  வயதான நடிகர்களுக்காக சினிமா ஓய்வு கிராமம் துவங்கும் மலையாள நடிகர் சங்கம்
• 
  சினிமா தயாரிப்பில் 25 ஆண்டுகள் : மோகன்லாலுக்கு நினைவு பரிசளித்த மம்முட்டி
• 
  பிரதமரின் பாராட்டு என் அதிர்ஷ்டம் ; குஜராத்தில் நெகிழ்ந்த உன்னி ...