Dinamalar

ஆடுஜீவிதம் ஓடிடி ரிலீஸ் தேதி அறிவிப்பு

மலையாளத்தில் பிரித்விராஜ் நடிப்பில் இயக்குனர் பிளஸ்சி இயக்கத்தில் கடந்த மார்ச் மாதம் ஆடு ஜீவிவிதம் படம் வெளியானது. பல வருட இடைவெளிக்கு பிறகு இசையமைப்பாளர் ஏ.ஆர்.ரஹ்மான் மலையாளத்தில் இசையமைத்த படம் என்கிற பெருமையுடன் வெளியான இந்த படத்தில் கதாநாயகியாக அமலா பால் நடித்திருந்தார். அரபு நாட்டிற்கு ஆடு மேய்க்கச் சென்ற இளைஞன் ஒருவன் படும் கஷ்டங்களை மையப்படுத்தி இந்த படம் உருவாகி இருந்தது. படம் வெளியாகி கிட்டத்தட்ட 150 கோடி வரை வசூலித்து வெற்றிப்பட பட்டியலிலும் இடம் பிடித்தது.

ஆனால் சோதனையாக இந்த படத்தின் ஓடிடி வெளியீடு பல காரணங்களால் தாமதமாகி கொண்டே வந்தது. குறிப்பாக இந்த படத்தின் பட்ஜெட் அதிகமாகி விட்டதால் தயாரிப்பு நிறுவனம் மிகப்பெரிய தொகையை எதிர்பார்க்க, ஓடிடி நிறுவனங்கள் அந்த அளவிற்கு விலை கொடுக்க தயங்கி ஓதுங்கி நின்றதாகவும் சொல்லப்பட்டது.

இந்த நிலையில் நிலைமை சமூகமாகி நெட்பிளிக்ஸ் நிறுவனம் ஆடுஜீவிதம் படத்தை ஓடிடியில் வெளியிடும் உரிமையை கைப்பற்றியுள்ளது. வரும் ஜூலை 19ம் தேதி முதல் இந்த படம் தென்னிந்திய மொழிகள் மட்டுமல்லாது இந்தியிலும் சேர்த்து ஓடிடி தளத்தில் ஸ்ட்ரீமிங் ஆகிறது.

• 
  கேரளா ஸ்டோரி இரண்டாவது பாகமும் பரபரப்பு கிளப்புகிறது
• 
  ஜவான் 2 தொடங்குவது எப்போது? அட்லி கொடுத்த விளக்கம்
• 
  ‛காந்தாரா' கடவுள் கிண்டல் : ரன்வீர் சிங் மீது பாய்ந்தது வழக்கு
• 
  'டான்-3'ல் இருந்து வெளியேறிய ரன்வீர் சிங் ; இயக்குனர் எடுத்த அதிரடி ...
• 
  மகளின் பள்ளி விழாவில் பங்கேற்க மேக்கப்பை கலைக்காமல் ...

• 
  திரைப்பட விழா முடிந்த 2 நாள் கழித்து தான் அழைப்பிதழ் வருகிறது : நடிகர் ...
• 
  28 வருடங்களுக்கு பிறகு மீண்டும் மோகன்லால். மம்முட்டியுடன் நடிக்கிறேன் : ...
• 
  தொடரும் பட இயக்குனரின் புதிய படத்தில் வித்தியாசமான பெயரில் நடிக்கும் ...
• 
  காந்தாரா பாணியில் மலையாளத்தில் உருவாகியுள்ள 'கோரகஜ்ஜா'
• 
  எர்ணாகுளத்தப்பன் கோவிலில் பக்தர்களுக்கு அன்னதானம் பரிமாறிய மம்முட்டி