Dinamalar

கல்கி முன்பதிவால் டாக்டர் ராஜசேகர் படத்திற்கு அடித்த ஜாக்பாட்

பிரபாஸ் நடிப்பில் நாக் அஸ்வின் இயக்கத்தில் உருவாகியுள்ள படம் 'கல்கி 2898 ஏடி'. அமிதாப் பச்சன், கமல்ஹாசன், தீபிகா படுகோனே உள்ளிட்ட பல முன்னணி நட்சத்திரங்கள் நடித்துள்ள இந்த படம் ஒரு சயின்ஸ் பிக்ஷன் கதையாக உருவாகியுள்ளது. வரும் ஜூன் 27ஆம் தேதி இந்த படம் வெளியாக இருக்கிறது. இதனை முன்னிட்டு தற்போது இந்த படத்தின் முன்பதிவு துவங்கியுள்ளது. இந்த நிலையில் இந்த படத்தின் முன்பதிவால் டாக்டர் ராஜசேகரின் படத்திற்கும் எதிர்பாராத விதமாக ஜாக்பாட் அடித்துள்ளது.

விஷயம் என்னவென்றால் பிரபாஸின் படத்திற்கு 'கல்கி 2898 ஏடி' என டைட்டில் வைக்கப்பட்டாலும் ரசிகர்கள் அனைவருமே அதை கல்கி என்று மட்டுமே கூறி வருகிறார்கள். இந்த நிலையில் கடந்த 2019ல் டாக்டர் ராஜசேகர் நடிப்பில் ஹனுமான் படை இயக்குனர் பிரசாந்த் வர்மா இயக்கத்தில் கல்கி என்கிற படம் வெளியானது. இந்த நிலையில் அந்த படத்தின் தயாரிப்பாளர் பிரபாஸின் கல்கி படம் வெளியான மறுநாள் அதாவது ஜூன் 28ஆம் தேதி இந்த படத்தை ரீ ரீலீஸ் செய்ய திட்டமிட்டுள்ளார்.

ரசிகர்கள் தற்போது ஆவலாக பிரபாஸின் கல்கி படத்திற்கு முன்பதிவு செய்யும்போது பலர் கல்கி என்ற பெயரை பார்த்ததுமே பதிவு செய்ததால் அதில் பல பேர் தவறுதலாக டாக்டர் ராஜசேகரின் கல்கி படத்திற்கு முன்பதிவு செய்து விட்டனர். அந்த வகையில் கிட்டத்தட்ட பத்து திரையரங்குகளில் டாக்டர் ராஜசேகரின் கல்கி படம் ஹவுஸ்புல் புக்கிங் ஆகியுள்ளது. இன்னும் சில திரையரங்குகளில் புக்கிங் போய்க்கொண்டிருக்கிறது.

ஆனால் புக்கிங் செய்த பிறகு இந்த தவறைக் கண்டு அதிர்ந்து போன ரசிகர்கள் தங்களுக்கு பிரபாஸ் நடிப்பில் வெளியாகியுள்ள கல்கி படத்திற்காக இந்த டிக்கெட்டுகளை மாற்றி தருமாறு தனியார் புக்கிங் இணையதளத்தில் கோரிக்கை வைத்துள்ளனர். இன்னும் சில ரசிகர்கள் ராஜசேகரின் கல்கி பட தயாரிப்பாளர் இந்த சந்தர்ப்பத்தை பயன்படுத்தி, வேண்டுமென்றே தனது படத்தை ரீ ரிலீஸ் செய்கிறார் என்று அவர் மீதும் கடுமையாக குற்றம் சாட்டி வருகின்றனர்.

இந்த நிலையில் டாக்டர் ராஜசேகர் தனது படத்திற்கான புக்கிங் குறித்து தானே எதிர்பார்க்கவில்லை என்றும், ஆனால் இந்த குழப்பத்திற்கும் தனக்கும் எந்த சம்பந்தமும் இல்லை என்று கூறியுள்ளார். மேலும் பிரபாஸ் உள்ளிட்ட கல்கி படக்குழுவிற்கு தனது வாழ்த்துக்களையும் தெரிவித்துள்ளார்.

• 
  அக்டோபர் முதல் வாரத்தில் நெட்பிளிக்ஸில் வெளியாகும் ‛வார்-2'
• 
  நடிகை ஷில்பா ஷெட்டியின் ரெஸ்டாரன்ட் நாளை மூடப்படுகிறது!
• 
  தங்கம் கடத்தலில் ஈடுபட்டு சிறையில் இருக்கும் நடிகைக்கு 102 கோடி அபராதம்
• 
  குருவாயூரப்பனை தரிசனம் செய்த அக்ஷய் குமார்
• 
  இயக்குனர் சஞ்சய் லீலா பன்சாலி மீது ராஜஸ்தானில் எப்ஐஆர் பதிவு

• 
  உங்களை விட்டால் யார் இருக்கா ? அனுஷ்காவிடம் ராணா கலாட்டா
• 
  பிஜூமேனன் நடிப்பதாக இருந்த ‛கீர்த்தி சக்ரா' ; மோகன்லாலுக்கு கை மாறியது ...
• 
  லோகா சாப்ட்டர் 1 சந்திரா படத்திற்கு தனது திரைக்கதையால் வெற்றி தேடித்தந்த ...
• 
  பிளாஷ்பேக் : மம்முட்டி வேண்டாம் என ஒதுக்கிய டைட்டில் மோகன்லாலுக்கு ...
• 
  கர்நாடக முதல்வரை சந்தித்த ராம்சரண்