Dinamalar

விருதுகளை வென்று கொடுத்த இயக்குனருக்கு கார் பரிசளித்த உன்னி முகுந்தன்

மலையாள திரையுலகில் இளம் முன்னணி நடிகராக வலம் வருபவர் உன்னி முகுந்தன். தமிழில் தனுஷ் நடித்த சீடன் படத்தில் இவரும் நடித்திருந்தார். அதுமட்டுமல்ல தெலுங்கில் வெளியான பாகமதி படத்தில் அனுஷ்காவுக்கு ஜோடியாகவும், அடுத்ததாக சமந்தாவின் நடிப்பில் வெளியாக உள்ள யசோதா படத்தில் முக்கிய வேடத்திலும் நடித்துள்ளார் உன்னி முகுந்தன். இந்த நிலையில் இவரே தயாரித்து கதாநாயகனாக நடித்த மேப்படியான் என்கிற திரைப்படம் இந்த வருடம் வெளியானது. இந்த படத்தை அறிமுக இயக்குனர் விஷ்ணு மோகன் என்பவர் இயக்கியிருந்தார்.

ஒரு நடிகராக உன்னி முகுந்தன் நடிப்புக்கு பெயர் பெற்றுத்தந்த இந்த படம் ஒரு தயாரிப்பாளராக வசூல் ரீதியாகவும் அவருக்கு ஓரளவு லாபத்தை கொடுத்தது. அதுமட்டுமல்ல பல சர்வதேச திரைப்பட விழாக்களில் கலந்துகொண்டு பல்வேறு பிரிவுகளில் பத்துக்கும் மேற்பட்ட விருதுகளை இந்த படம் அள்ளியது. இந்த படம் ஆரம்பிக்கப்பட்ட நாளிலிருந்து சரியாக இரண்டு வருடம் முடிந்த நிலையில் அதன் ஞாபகார்த்தமாகவும் இயக்குனர் பெற்றுக்கொடுத்த வெற்றியை கொண்டாடும் விதமாகவும் அவருக்கு விலை உயர்ந்த கார் ஒன்றை பரிசளித்து அவரை இன்ப அதிர்ச்சியில் ஆழ்த்தியுள்ளார் உன்னி முகுந்தன். அதேசமயம் இது பற்றி அவர் குறிப்பிடும்போது, இது ஒரு பரிசு அல்ல.. தகுதி வாய்ந்த உங்களுக்கு சேரவேண்டிய ஒன்று தான் என்று கூறியுள்ளார் உன்னி முகுந்தன்.

• 
  நிரப்ப முடியாத வெற்றிடம் : கணவர் தர்மேந்திரா மறைவு குறித்து ஹேமமாலினி ...
• 
  கணவர் மீது புகார் அளித்துள்ள செலினா ஜெட்லி
• 
  ஜோசப் ரீமேக்கை பார்க்காமலேயே தர்மேந்திரா மறைந்து விட்டார் : மலையாள ...
• 
  ஹிந்தியில் மீண்டும் தடம் பதிப்பாரா தனுஷ்?
• 
  சினிமா டூ அரசியல் : பாலிவுட்டின் ‛ஹீ மேன்' தர்மேந்திராவின் வாழ்க்கை ...

• 
  மலையாள சினிமாவில் முதன்முறையாக ஞாயிற்றுக்கிழமை வெளியாகும் படம்
• 
  மம்முட்டியின் 'களம்காவல்' புதிய ரிலீஸ் தேதி அறிவிப்பு
• 
  மகள் நடிக்கும் படப்பிடிப்பு தளத்திற்கு விசிட் அடித்த மோகன்லால் ; கெஸ்ட் ...
• 
  நடிகை பலாத்கார வழக்கில் டிசம்பர் 8ம் தேதி தீர்ப்பு: தண்டனையிலிருந்து ...
• 
  31 வருடங்களுக்கு பிறகு ரீ ரிலீஸிற்கு தயாராகும் சுரேஷ் கோபியின் கமிஷனர்