மறக்க முடியுமா? - காதல் கொண்டேன்

05 பிப், 2021 - 01:43 IST

0 கருத்துகள் கருத்தைப் பதிவு செய்ய

எழுத்தின் அளவு:

படம் : காதல் கொண்டேன்
வெளியான ஆண்டு: 2003
நடிகர்கள்: தனுஷ், சோனியா அகர்வால், நாகேஷ்
இயக்கம்: செல்வராகவன்
தயாரிப்பு: கே விமலா கீதா

தன் வழி தனி வழி என தமிழ் சினிமாவில் பயணிக்கும் இயக்குனர்களில் செல்வராகவனும் ஒருவர். தம்பி தனுஷ் நடித்த, துள்ளுவதோ இளமை படத்தில், கதை ஆசிரியராக பணியாற்றினார். இப்படத்தை, அவர்களின் தந்தை, கஸ்துாரி ராஜா இயக்கியதாக கூறப்பட்டாலும், அதில் செல்வராகவனின், டச் இருந்தது.

நோஞ்சான் உடம்புடைய தனுஷ் நடித்த துள்ளுவதோ இளமை வெற்றிக்கு காரணம், படத்தில் இருந்த ஆபாச காட்சிகள் என, அப்போது விமர்சிக்கப்பட்டன. அதன் பின், தனுஷை வைத்து, 2003ல், செல்வராகவன் இயக்கிய காதல் கொண்டேன் படம், இருவருக்கும் மிகப்பெரிய வரவேற்பைக் கொடுத்தது. அதன்பின், இருவரும் தமிழ் சினிமாவில் முக்கிய பங்காற்றி வருகின்றனர்.

கடந்த, 1996ல் வெளிவந்த ஹாலிவுட் படமான பியர் படத்தை தழுவி, இப்படம் உருவாக்கப்பட்டது. ரொமான்டிக் சைக்கோ த்ரில்லர் வகையை சேர்ந்தது. தமிழ் சினிமா கையாண்டு வந்த கதாநாயக பிம்பத்தை, உடைத்தெறிவது, செல்வராகவனின் வழக்கம். மன நலம் பாதிக்கப்பட்டவன், பஸ்சில் செருப்படி வாங்கியவன், பணத்திற்காக வேலை செய்யும் கூலி என, நம் முன் திரிந்த நபர்களின் சாயல்களில், கதாநாயகனை உருவாக்கி இருப்பார்.

ஒரு ஆதரவற்ற இளைஞனின் மனம், ஒரு பெண்ணின் அன்பை அனுபவிக்கத் துவங்கும்போது, அது கைநழுவும் சந்தர்ப்பத்தை எப்படி எதிர்கொள்கிறான் என்ற உளவியலை, நேர்த்தியாகப் பேசியிருந்தது, காதல் கொண்டேன்.

முகத்தில் தாடியுடனும், புட்டிக் கண்ணாடியுடனும் தனுஷ், திவ்யா... திவ்யா... என்று போட்ட ஆட்டம், தமிழகத்தை அதிரச் செய்தது. இப்படத்தின் வெற்றிக்கு முக்கிய காரணம் யுவன் சங்கர் ராஜாவின் இசை. தேவதையை கண்டேன், மனசு ரெண்டும், தொட்டு தொட்டு போகும், நெஞ்சோடு, காதல் காதல்... பாடல்கள், தமிழகத்தையே உலுக்கியது எனலாம். இப்படம் தெலுங்கு, கன்னடா, பெங்காலி மொழிகளில், ரீமேக் செய்யப்பட்டது.

அன்பிற்கும் உண்டோ அடைக்கும் தாழ்!காதல் கொண்டேன்

Kadhalkondaen

Dhanush

Soniaaggarwal

Selvaraghavan

Yuvanshankarraja

கருத்துகள் (0) கருத்தைப் பதிவு செய்ய

மறக்க முடியுமா? - பார்த்திபன் கனவு

மறக்க முடியுமா? - சாமி

வாசகர்களே...

நீங்கள் பதிவு செய்யும் கமென்டுகள், செய்திக்கு கீழே வராமல், சைடில் தனி பெட்டியாக வருவது போல் மாற்றி உள்ளோம். இதில் வழக்கம் போல் உங்கள் கருத்துகளை படிக்கலாம். பதிவும் செய்யலாம். இது எப்படி இருக்கிறது என்ற உங்கள் கருத்தை எங்களுக்கு தெரிவியுங்கள். உங்கள் பின்னுாட்டம் மேலும் சிறப்பாக்குவதற்கு உதவி செய்யும். நன்றி

பின்னுாட்டத்தை பதிவு செய்ய