Dinamalar

தீபிகாவுக்கு பாலிவுட்டின் மோசமான நடிகை விருது!

நடிகை தீபிகா படுகோனேவுக்கு பாலிவுட்டின் மோசமான நடிகை விருது கிடைத்துள்ளது. இதேபோல நடிகர் இம்ரான் கானுக்கு மோசமான நடிகர் விருது கிடைத்துள்ளது. பாலிவுட்டில் மோசமான ஹீரோ, ஹீரோயின், இயக்குனர் போன்றவர்களை வெளிச்சத்திற்கு கொண்டு வருவது கோல்டன் கேலா விருது. சமீபத்தில் 4வது கோல்டன் கேலா விருது பெறும் நட்சத்திரப்பட்டியல் வெளியிடப்பட்டது.  அதன்படி, நடிகர் இம்ரான் கானுக்கு மோசமான நடிகர் விருது கிடைத்துள்ளது. பாலிவுட் நடிகை என்பதைக் காட்டிலும் ஐட்டம் டான்சர் என்று பெயர் வாங்கியுள்ள தீபிகா படுகோனேவுக்கு மோசமான நடிகைக்கான விருது கிடைத்துள்ளது. ஷாருக் கானின் கடும் உழைப்பில் வெளிவந்த ரா ஒன் மோசமான படத்திற்கான விருதைப் பெற்றுள்ளது. மோசமான இயக்குனர் விருது ரா ஒன் படத்தை இயக்கியதற்காக அனுபவ் சின்ஹாவுக்கு கிடைத்துள்ளது.

• செய்திகள்