Dinamalar

மனைவியின் படத்தில் அபிஷேக் பச்சன்!

பாலிவுட்டின் நட்சத்திர தம்பதிகள் அபிஷேக் பச்சன் - ஐஸ்வர்யா ராய். குழந்தை பிறப்பால் சினிமாவிற்கு சிலகாலம் முழுக்கு போட்டிருந்த ஐஸ்வர்யா ராய், மீண்டும் சினிமாவில் முழுமூச்சாக நடிக்க தொடங்கியுள்ளார். தற்போது அவர் சஞ்சய் குப்தா இயக்கும் த்ரில்லர் படமான ஜாஸ்பா என்ற படத்தில் பிஸியாக நடித்து வருகிறார். இந்தப்படத்தில் ஒரு சிறப்பு தோற்றத்தில் ஐஸ்வர்யாவின் கணவரும், நடிகருமான அபிஷேக் பச்சனும் நடிக்க இருக்கிறார்.

இதுகுறித்து சஞ்சய் குப்தா தனது டுவிட்டர் பக்கத்தில் கூறியிருப்பதாவது, ஜாஸ்பா படத்தில், சிறப்பு காட்சியில் நடிக்கும் அபிபேஷக் பச்சனை வைத்து ஷூட் செய்தது மகிழ்ச்சியான அனுபவமாக இருந்தது என்று கூறியுள்ளார்.

அபிஷேக்கும், ஐஸ்வர்யாவும் இதற்கு முன்னர் தகி அக்சார் பிரேம் கி, குரு, குச் நா கஹோ, சர்கார் ராஜ் உள்ளிட்ட சில படங்களில் சேர்ந்து நடித்துள்ளனர்.

• செய்திகள்