Dinamalar

ஸ்டார் ஆவேன் என எதிர்பார்க்கவில்லை- சொல்கிறார் தீபிகா

2013ம் ஆண்டில் வெளியான சென்னை எக்ஸ்பிரஸ், யேஹ் ஜவானி ஹெய் திவானி, ரேஸ் 2 ஆகிய படங்கள் அடுத்தடுத்து வெற்றி பெற்றதால் பாலிவுட்டில் அதிகம் பேசப்படும் நடிகையாகவே தீபிகா படுகோனே மாறி விட்டார். பாலிவுட்டில் தனக்கென தனி இடத்தை பிடித்துள்ள தீபிகா, ஸ்டார் அந்தஸ்து தன்னை விட்டு போய்விடுமோ என தான் எப்போதும் பயப்படுவதில்லை என தெரிவித்துள்ளார்.

தீபிகா நடித்து கடந்த வாரம் வெளியான ஃபைண்ட் ஃபன்னி படம், வசூலை அள்ளி குவித்து வருகிறது. இந்த வெற்றியை நேரில் காண வந்த தீபிகாவிடம், ஸ்டார் அந்தஸ்து போய் விடும் என்ற பயம் உங்களுக்கு உள்ளதா என கேட்கப்பட்டது. அதற்கு பதிலளித்த தீபிகா, கிடையவே கிடையாது. ஸ்டார் அந்தஸ்து என்பது வாழ்க்கை முழுவதும் தொடராது என்பது எனக்கு தெரியும். எனது வேலையில் நான் பாதுகாப்பாக உணர்கிறேன்.

இந்த அளவிற்கு ஸ்டார் ஆவேன் என்பதே என் வாழ்நாளில் எதிர்பாராமல் நிகழ்ந்த ஒன்று. அதனால் ஸ்டார் அந்தஸ்டு நான் பயம் கொள்ளவில்லை. ஒருவேளை, ஸ்டார் அந்தஸ்து வாழ்க்கை முழுவதும் தொடர வேண்டும் என யாராவது விரும்பினால் அது நடக்காத ஒன்று. அது வீழ்ச்சியைத்தான் தரும் என தெரிவித்தார்.

• செய்திகள்