Dinamalar

ஓடிடியில் நேரடியாக வெளியாகும் மாதவன் படம்

மாதவன், நயன்தாரா, சித்தார்த் நடித்த 'டெஸ்ட்' படம் சமீபத்தில் ஓடிடி தளத்தில் வெளியானது. தற்போது அவர் நடித்துள்ள இந்திப் படமான 'ஆப் ஜெய்சா கோய்' (உன்னைப் போல் ஒருவர்). என்ற படமும் ஓடிடியில் நேரடியாக வெளியாகிறது. நடுத்தர வயது நபர் தனது சொந்த வாழ்க்கையின் விதிகளை மீண்டும் எழுதத் தொடங்கினால் என்ன ஆகும்? என்பதுதான் படத்தின் கதை. கதைநாயகனாக ஸ்ரீரேணு திரிபாதி என்ற கேரக்டரில் மாதவனும், அவரது மனைவி மது போஸாக பாத்திமா சனா ஷேக்கும் நடித்திருக்கிறார்கள்.

விவேக் சோனி இயக்கியுள்ள இந்தப் படத்தை தர்மாடிக் என்டர்டெயின்மென்ட் தயாரித்துள்ளது. மேலும் ஆயிஷா ராசா, மணீஷ் சவுத்ரி மற்றும் நமித் தாஸ் ஆகியோர் நடித்துள்ளனர். வருகிற ஜூலை 11ம் தேதி நெட்பிளிக்ஸ் தளத்தில் வெளியாகிறது.

படம் குறித்து மாதவன் கூறும்போது "நான் இதற்கு முன்பு நடித்த எந்தவொரு காதல் கதையையும் போல 'ஆப் ஜெய்சா கோய்' இல்லாமல் முழுக்க முழுக்க மனித மனங்களைச் சார்ந்தது. நான் நடித்த மிகவும் சிக்கலான கதாபாத்திரங்களில் ஸ்ரீரேணுவும் ஒருவர். கம்பேனியன்ஷிப்பிற்காக ஏங்கும் ஒருவர். ஆனால், அதை எப்படிக் கேட்பது என்று கூட தெரியாத உள்ளுக்குள் அதிக உணர்ச்சிவசப்பட்டவர்.

இந்தப் படம் அதிரடியாக இருக்காது. ஆனால் பொறுமையாகவும், மென்மையாகவும் பார்ப்பவர்களை ஆழமாகப் பாதிக்கும் வகையிலும் இருக்கும். வாழ்க்கையிலோ அல்லது காதலிலோ புறக்கணிக்கப்பட்டதாக உணர்ந்தவர்களிடம் இது எவ்வாறு பேசுகிறது என்ற கருவால் நான் ஈர்க்கப்பட்டேன். 'ஆப் ஜெய்சா கோய்' சொந்த விதிமுறைகளின்படி வாழத் தொடங்குவதற்கு வயது ஒரு தடையில்லை, நீங்கள் எப்போது வேண்டுமானலும் வாழத் தொடங்கலாம் என்பதை அழுத்தமாக பேசும் கதை” என்றார்.

• இவரை பற்றி
• செய்திகள்
• ஆல்பம்
• வால் பேப்பர்கள்
• வந்த படங்கள்
• வரவிருக்கும் படங்கள்
• டுவிட்டர்

• 
  பொன்னம்பலம் வெளியிட்ட உருக்கமான ஆடியோ
• 
  பெரிய பட்ஜெட் படங்களை தவிர்க்கும் கமல்ஹாசன்
• 
  'யாதும் அறியான்' ஆடியோ உரிமையை கைப்பற்றிய சரிகம
• 
  டிரண்டிங்: ரீல் வீடியோவால் சீரழியும் தம்பதிகளின் கதை
• 
  'கூலி'க்காக ஆடிய டி.ராஜேந்தர்

• 
  ஆக் ஷன் ஹீரோக்கள் மீதான மரியாதை அதிகரித்துள்ளது : கஜோல்
• 
  ராமோஜிராவ் பிலிம் சிட்டி குடும்பம் குழந்தைகளுடன் தங்குவதற்கு ...
• 
  ஆமிர்கான் படத்திற்கு மகேஷ்பாபு பாராட்டு
• 
  முன்னாள் கணவருக்கு இறுதி அஞ்சலி செலுத்திய கரிஷ்மா கபூர்
• 
  அமீர்கான் படக்குழுவினரை நேரில் சந்தித்து உற்சாகப்படுத்திய ஷாருக்கான்