Dinamalar

குடித்துவிட்டு கார் ஓட்டிய இளைஞரால் பலியான பெண் ; ஜான்வி கபூர் கடும் கண்டனம்

குஜராத்தில் உள்ள வதோதரா நகரில் சமீபத்தில் ரக்ஷித் சவுரசியா என்கிற இளைஞன் குடித்துவிட்டு மதுபோதையில் 120 கிலோமீட்டர் வேகத்தில் கார் ஓட்டியபோது கட்டுப்பாட்டை இழந்த கார் அங்கே நின்று கொண்டிருந்த பெண் உள்ளிட்ட ஐந்து பேர் மீது மோதியது. இதில் ஒரு பெண் சம்பவ இடத்திலேயே பலியானார். 4 பேர் படுகாயங்களுடன் மருத்துவமனையில் சேர்க்கப்பட்டுள்ளனர். அந்த இளைஞன் காரில் உள்ள ஏர்பேக் உதவியால் காயம் இன்றி தப்பித்தான். அதே சமயம் மோதி நின்ற காரில் இருந்து இறங்கிய அவன் இன்னொரு ரவுண்டு போகலாமா என்று கேட்ட வீடியோ ஒன்று தற்போது சோசியல் மீடியாவில் பரபரப்பாக வைரலாகி வருகிறது.

போலீசார் அவனை கைது செய்து விசாரித்ததில் சாலையில் விழுந்து கிடந்த பாட்டில் ஒன்றின் மீது கார் ஏறியதால் அந்த தடுமாற்றத்தில் ஏர்பேக் தானாக விரிந்து தன் முகத்தை மூடி விட்டது என்றும் இதனால் நிலை தடுமாறி இந்த விபத்து ஏற்பட்டது என்றும் கூறியுள்ளார். இதற்கு பலரிடமிருந்தும் கண்டனம் வெளிப்பட்டு வரும் நிலையில் பிரபல பாலிவுட் நடிகை ஜான்வி கபூரும் தனது கடுமையான கண்டனத்தை தெரியப்படுத்தியுள்ளார். “இந்த நிகழ்வு பயங்கரமானது மட்டுமல்ல.. கோபம் ஏற்படுத்தக் கூடியதும் கூட.. இந்த மாதிரியான நடத்தையினால் போதையில் இருந்தாலும் இல்லாவிட்டாலும் யாரேனும் தப்பித்து விடலாம் என்று நினைப்பது எனக்கு மிகவும் வேதனையாக இருக்கிறது” என்று கூறியுள்ளார்.

• இவரை பற்றி
• செய்திகள்
• ஆல்பம்
• வந்த படங்கள்

• 
  ஏகனுக்கு ஜோடியாக இரண்டு நாயகிகள்
• 
  ஒரு வாரம் தள்ளிப்போகும் ‛வா வாத்தியார்'
• 
  தனுஷ், அவரது மேலாளர் பற்றிய சர்ச்சை : முற்றுப்புள்ளி வைத்த மான்யா ஆனந்த்
• 
  9 படங்களில் நடிக்கும் நயன்தாரா : இந்தியாவிலே இவர்தான் டாப்
• 
  ரீ ரிலீஸ் படங்கள் முடிவுக்கு வருகிறதா?

• 
  நலமாக இருந்தால்தான் நல்லதைத் தர முடியும்: தீபிகா படுகோனே
• 
  பெரிய சம்பளத்தை மட்டுமே எதிர்பார்த்து நான் நடிப்பதில்லை : தீபிகா படுகோனே ...
• 
  ரன்வீர், சாரா நடித்துள்ள துரந்தர் பட டிரைலர் வெளியானது
• 
  இந்த 3 விஷயங்களும் முக்கியமானவை : தீபிகா படுகோனே
• 
  தனுஷின் தேரே இஷ்க் மெயின் டிரைலர் வெளியீடு : வரவேற்பு எப்படி