Dinamalar

சானியா மிர்சாவின் மகனை அறிமுகப்படுத்த பத்து ரூபாய் அட்வான்ஸ் கொடுத்த பரா கான்

பாலிவுட்டின் பிரபல நடன இயக்குனர் பரா கான். அதன் பிறகு சல்மான் கானை வைத்து மெயின் ஹூன் நா, ஓம் சாந்தி ஓம் என தொடர்ந்து படங்களை இயக்கி இயக்குனராகவும் மாறியவர். மீண்டும் அடுத்ததாக ஷாருக்கானை வைத்து ஒரு படம் இயக்கும் வேலைகளில் ஈடுபட்டுள்ளார் பரா கான். அதேசமயம் தனியாக வீடியோ சேனல் ஒன்றையும் ஆரம்பித்து தனது அனுபவங்களை ரசிகர்களுடன் தொடர்ந்து பகிர்ந்து கொண்டு வருகிறார் பரா கான்.

அந்த வகையில் தற்போது புதிய வீடியோ ஒன்றில் பிரபல டென்னிஸ் வீராங்கனை சானியா மிர்சாவுடன் இணைந்து உணவு சமைக்கும் வீடியோ ஒன்றை வெளியிட்டுள்ளார். இந்த சமயத்தில் பரா கானின் வீட்டிற்கு சானியா மிர்சா தனது சகோதரி அனம் மற்றும் தனது மகன் இசான் ஆகியோருடன் விசிட் அடித்திருந்தார். இந்த வீடியோவில் இருவரும் தங்களுக்குள் நடந்த சில சுவாரசியமான அனுபவங்களையும் அதில் பகிர்ந்து கொண்டுள்ளனர்.

அப்போது பேசிய சானியா மிர்சா தனது மகன் பிறந்த போது தன்னை பார்க்க வந்த பரா கான், மகனின் கையில் பத்து ரூபாயை திணித்து வாழ்த்திவிட்டு உன்னுடைய மகனை நான் பின்னாளில் சினிமாவில் அறிமுகப்படுத்துவதற்கான அட்வான்ஸ் இது என்று கூறியதை ஞாபகப்படுத்தினார். ஆனால் அதை மறுத்த பரா கான் நான் 100 ரூபாய் தான் கொடுத்தேன் என்று கூறினார். இருந்தாலும் சானியா மிர்சா எனக்கு நன்றாக ஞாபகம் இருக்கிறது நீங்கள் பத்து ரூபாய் தான் கொடுத்தீர்கள் என விடாப்பிடியாக கூறினார். இப்படி பல சுவாரசியங்களை இருவரும் பகிர்ந்து கொண்டனர்.

• 
  சூர்யவம்சம் 2ம் பாகம் உருவாகிறது?
• 
  தமிழில் அறிமுகமாகும் ராப் பாடகர் வேடன்
• 
  உடலை வருத்தும் சிம்பு
• 
  தனுஷ் பிறந்தநாளில் புதுப்பொலிவுடன் ரீ-ரிலீஸ் ஆகும் ‛புதுப்பேட்டை'
• 
  ஸ்டன்ட் காட்சியில் ஒருவர் உயிரிழப்பு : இயக்குனர் பா.ரஞ்சித் மீது வழக்கு ...

• 
  எனது முத்தக் காட்சியை எப்படி நீக்கலாம் : பாலிவுட் நடிகை கண்டனம்
• 
  அட்லி இயக்கும் விளம்பரத்தில் நடிக்கும் ரன்வீர் சிங், ஸ்ரீ லீலா
• 
  ‛பரியேறும் பெருமாள்' ஹிந்தி ரீ மேக்கான ‛தடக் 2' டிரைலர் வெளியீடு, ஆக., 1ல் ...
• 
  குரு பூர்ணிமாவில் அமிதாப் பச்சன் சிலையை வைத்து வழிபாடு
• 
  திருமணத்தின் போதே கர்ப்பமாக இருந்தேன் ; பாலிவுட் நடிகை நேஹா துபியா ஓபன் ...