Dinamalar

ஷாரூக்கின் அடுத்த படத்திற்கும் அனிருத் இசை?

2023ம் ஆண்டில் பெரும் வெற்றியைப் பெற்ற ஹிந்தி படமாக 'ஜவான்' படம் இருந்தது. 1000 கோடிக்கும் அதிகமான வசூலைக் குவித்த படத்தை அட்லி இயக்க அனிருத் இசையமைக்க ஷாரூக்கான், நயன்தாரா, விஜய் சேதுபதி மற்றும் பலர் நடித்திருந்தனர். அப்படத்தின் வரவேற்புக்கு அனிருத் இசையும் ஒரு முக்கிய காரணமாக அமைந்தது. பாடல்களும், பின்னணி இசையும் ஹிந்தி ரசிகர்களால் பெரிதும் ரசிக்கப்பட்டது.

படத்தின் வெற்றிக்குக் காரணமான அனிருத்தை சமயம் கிடைக்கும் போதெல்லாம் பாராட்டி மகிழ்ந்தார் ஷாரூக்கான். தனது அடுத்த படத்திற்கும் அனிருத்தையே ஷாரூக் சிபாரிசு செய்துள்ளதாக ஒரு தகவல் வெளியாகி உள்ளது. சுஜாய் கோஷ் இயக்க உள்ள 'கிங்' படத்தில் அடுத்து ஷாரூக்கான் நடிக்க உள்ளார். அப்படத்திற்கு இசையமைக்கும் வாய்ப்பை அனிருத் பெற்றுவிட்டார் என்ற தகவல் வெளியாகி உள்ளது.

இப்படத்தில் ஷாரூக் மகள் சுஹானா கான் முக்கிய கதாபாத்திரத்திலும், அபிஷேக் பச்சன் வில்லன் கதாபாத்திரத்திலும் நடிக்க உள்ளார்களாம். கடந்த சில மாதங்களாகவே இப்படத்திற்கான முன் தயாரிப்புப் பணிகள் நடந்து வருகின்றன. அடுத்த ஆண்டு துவக்கத்தில் இப்படத்தின் படப்பிடிப்பு ஆரம்பமாகும் எனத் தெரிகிறது.

• 
  தமிழைப் போலவே தெலுங்கிலும் அதிக தியேட்டர்களில் வெளியாகிறது கருப்பு
• 
  பெத்தி பட விழாவில் ஏ.ஆர்.ரஹ்மான் இசை நிகழ்ச்சி
• 
  அதிக பட்ஜெட், அதிக சம்பளம் : மாரி செல்வராஜ் படத்துக்கு சிக்கலா?
• 
  ரஜினிகாந்த், கமல்ஹாசன் இணையும் படம் இந்த சூழ்நிலையில் நடக்குமா?
• 
  திருப்பதி கோயிலில் சமுத்திரக்கனி வழிபாடு : விஜய்க்கு வாழ்த்து

• 
  ராகினி எம்எம்எஸ் 3 திரில்லர் படத்தில் இணைந்த தமன்னா
• 
  கிரிக்கெட் வீரர் பயோபிக்கில் மீண்டும் இணையும் 'லகான்' கூட்டணி
• 
  மலையாளத்தில் அறிமுகமாகும் இர்பான் கான் மகன்
• 
  துரந்தர் 3 பற்றி தயாரிப்பாளர் வெளியிட்ட சூசக தகவல்
• 
  முதல் வாரத்தில் 60 கோடி வசூலித்த 'ராஜா சிவாஜி'