Dinamalar

நான் வெறும் நடிகை மட்டுமல்ல : சுப்பிரமணிய சுவாமிக்கு கங்கனா பதில்

பாலிவுட் நடிகை கங்கனா தனது துணிச்சல் மிகுந்த பேச்சால் ஹிந்தி திரையுலகிலும் சரி, மகாராஷ்டிரா அரசியலிலும் சரி மிகப்பெரிய அளவில் எதிர்ப்புகளை சம்பாதித்து வருகிறார். கடந்த இரண்டு வருடங்களுக்கு முன்பு அவருக்கு அரசியல் ரீதியாக மிரட்டல் விடுக்கப்பட்டதை தொடர்ந்து அவருக்கு ஒய் பிரிவு சிறப்பு பாதுகாப்பு கொடுக்கப்பட்டுள்ளது.

இந்த நிலையில் முன்னாள் எம்.பியும் , அரசியல்வாதியுமான சுப்பிரமணிய சுவாமி, கங்கனா உள்ளிட்ட பாலிவுட் பிரபலங்களுக்கு ஒய் பிரிவு பாதுகாப்பு வழங்கப்பட்டுள்ளது குறித்து கிண்டலாக விமர்சித்துள்ளார். அப்படி இவர் தனது சோசியல் மீடியா பக்கத்தில் வெளியிட்டுள்ள பதிவுக்கு விளக்கம் அளிக்கும் விதமாக பதில் கொடுத்துள்ளார் கங்கனா.

இது குறித்து கங்கனா வெளியிட்டுள்ள பதிவில், "நான் வெறும் நடிகை மட்டும் அல்ல. ஒரு இயக்குனர், தயாரிப்பாளரும் கூட. அதுமட்டுமல்ல விரைவில் வெளியாக இருக்கும் இந்திரா காந்தியின் வாழ்க்கை வரலாறு குறித்து உருவாகியுள்ள எமர்ஜென்சி என்கிற படத்தை இயக்கி நடித்துள்ளேன். மகாராஷ்டிராவில் தேசியவாதிகள் அரசு அமைய வேண்டும் என நான் தொடர்ந்து வலியுறுத்தி வருகிறேன். மேலும் நான் தக்தே கும்பலை பற்றியும், காலிஸ்தான் அமைப்புகளை பற்றியும் கடுமையாக கண்டித்தேன். தற்போது உள்ள மலிவான அரசியல்வாதிகள் பலர் என்னை டார்கெட் செய்து மிரட்டல் விடுத்து வருகின்றனர். அதற்காகத்தான் எனக்கு இந்த சிறப்பு பாதுகாப்பு வழங்கப்பட்டுள்ளது" என்று கூறியுள்ளார்.

• 
  ஆக்ஷன் ஹீரோயினாக விரும்பும் அக்ஷரா ரெட்டி
• 
  பிளாஷ்பேக்: 400 படங்களில் நடித்த கோவை செந்தில்
• 
  300 கோடி வசூல் சாதனை புரிந்த 'லோகா'
• 
  பிளாஷ்பேக்: முதல் நட்சத்திர ஒளிப்பதிவாளர்
• 
  நான்கு நாட்களில் 300 கோடி வசூலைக் கடந்த 'காந்தாரா சாப்டர் 1'

• 
  5 வருடத்திற்கு பிறகு பாஸ்போர்ட்டை திரும்பப்பெற்ற ரியா சக்கரவர்த்தி
• 
  மகளின் நிர்வாண புகைப்படத்தை அனுப்ப சொன்னார்கள் : அக்ஷய் குமார் அதிர்ச்சி ...
• 
  மீண்டும் தயாரிப்பில் களமிறங்கும் ஹிருத்திக் ரோஷன்
• 
  இணையதள தேடல் : தீபிகா படுகோன்
• 
  கேரளாவை தொடர்ந்து ஹிந்தியிலும் சென்சார் போர்டு சிக்கலில் ஜானகி டைட்டில்