Dinamalar

ஆமிர்கான் படத்தின் தோல்வி ; ரசிகர்களுக்கு நன்றிசொன்ன விஜயசாந்தி

பாலிவுட் நடிகர் ஆமிர்கான் நடிப்பில் உருவான லால் சிங் சத்தா என்கிற படம் கடந்த வியாழனன்று வெளியானது. இந்த படத்தில் கரீனா கபூர் கதாநாயகியாக நடிக்க, முக்கிய இடத்தில் தெலுங்கு இளம் நடிகர் நாகசைதன்யா நடித்துள்ளார். அத்வைத் சந்தன் என்பவர் இந்த படத்தை இயக்கியுள்ளார். இந்த படம் ஹிந்தி மட்டுமல்லாது தென்னிந்திய மொழிகள் அனைத்திலும் டப்பிங் செய்யப்பட்டு வெளியானது. இதற்காக ஹைதராபாத், சென்னை என நடைபெற்ற இந்த படத்தின் புரமோஷன் நிகழ்ச்சிகளிலும் கூட ஆமிர்கான் கலந்து கொண்டார். தெலுங்கில் இந்த படத்தை நடிகர் சிரஞ்சீவி வெளியிட்டார்.

ஆனால் இந்த படம் ரிலீசுக்கு சில நாட்களுக்கு முன்பிருந்தே ஆமிர்கான் படத்தை புறக்கணியுங்கள் என்கிற ஹேஷ்டேக் சோசியல் மீடியாவில் ட்ரெண்டிங் ஆனது.. ஆமிர்கான் இதற்கு முன்னதாக நடித்த பல படங்களில் இந்து மத உணர்வுகளை புண்படுத்தும் விதமாக நடந்து கொண்டதால், இந்த படத்தை புறக்கணிக்க வேண்டும் என பலரும் சோசியல் மீடியாவில் கருத்து தெரிவித்து வந்தனர். இந்த நிலையில் படத்திற்கும் கூட எந்த மொழியிலும் பெரிய அளவில் வரவேற்பு கிடைக்கவில்லை.

தற்போது இதை சுட்டிக்காட்டி உள்ள தெலுங்கு திரைகயுலகின் முன்னாள் சீனியர் நடிகை விஜயசாந்தி, ஆமிர்கானின் லால் சிங் சத்தா படத்திற்கு தோல்வியை பரிசளித்ததற்காக ரசிகர்களுக்கு தனது நன்றியை தெரிவிப்பதாக கூறியுள்ளார். மேலும் தெலுங்கில் இந்த படத்தை வெளியிடுவதற்காக திரையுலக பிரபலங்கள் என்னதான் துணையாக நின்றாலும் மக்கள் இந்த படத்திற்கு தர வேண்டிய சரியான ரிசல்ட்டை கொடுத்துள்ளனர்.. இனிவரும் நாட்களில் ஆமிர்கானை வைத்து படம் எடுக்க இருப்பவர்கள் அவர்களது படத்திற்கு என்ன விதமான ரிசல்ட் கிடைக்கும் என்பதை இதிலிருந்து புரிந்து கொள்ளுங்கள் என்று கூறியுள்ளார் விஜயசாந்தி.

• 
  'கருப்பு' ரிலீஸ் - அப்டேட் கொடுத்த இயக்குனர் ஆர்ஜே பாலாஜி
• 
  'தாய் கிழவி' ரிலீஸ் ஒத்தி வைப்பு ஏன் ?
• 
  பிளாஷ்பேக்: முரணான தலைப்பு, முத்தான வெற்றி, முயற்சித்து சாதித்த இயக்குநர் ...
• 
  'சூர்யா- 46' படத்தின் டைட்டில், ரிலீஸ் குறித்த தகவல் வெளியானது!
• 
  பிளாஷ்பேக்: வாள்வீச்சு நாயகன் ரஞ்சனின் வெள்ளித்திரை வரவுக்கு வித்திட்ட ...

• 
  சல்மான் கான் படத்திலிருந்து காதலர் தின ஸ்பெஷலாக வெளியிடப்பட்ட பாடல்
• 
  திகார் சிறையில் இருக்கும் நடிகருக்கு சம்பளம் உயர்த்தி தர கோரிக்கை வைத்த ...
• 
  அமீர்கான் மகனுக்கு ஜோடியான தமன்னா
• 
  ரூ. 40க்கு தனது சாப்பாடு தரும் அர்ஜித் சிங்
• 
  கடும் எதிர்ப்பால் மனோஜ் பாஜ்பாய் படத் தலைப்பு மாற்றம்