வயது குறைந்த ஒருவரை காதலிப்பது தவறா - மலாய்க்கா அரோரா - Malaika Arora about woman dating younger man

நீங்கள் இங்கே இருக்கிறீர்கள்: முகப்பு » பாலிவுட் செய்திகள் »

வயது குறைந்த ஒருவரை காதலிப்பது தவறா - மலாய்க்கா அரோரா

25 ஏப், 2022 - 05:19 IST

எழுத்தின் அளவு:

பாலிவுட்டில் அடிக்கடி காதல் சர்ச்சைகள் வருவது வழக்கம். அது போலவே பிரிவு சர்ச்சைகளும் வழக்கம். கடந்த சில வருடங்களாக வயது வித்தியாசம் குறித்து சர்ச்சையில் இருக்கும் காதல் ஜோடி மலாய்க்கா அரோரா, அர்ஜுன் கபூர் ஜோடி.

இந்த அர்ஜுன் கபூர் வேறு யாருமல்ல, 'வலிமை' படத்தின் தயாரிப்பாளர் போனி கபூரின் மகன்தான். மலாய்க்காவிற்கு 48 வயது ஆகிறது. அர்ஜுன் கபூருக்கு 36 வயதாகிறது. தன்னை விட 12 வயது குறைந்த ஒருவரை மலாய்க்கா காதலிப்பது குறித்து அடிக்கடி சர்ச்சைகள் வந்து கொண்டிருக்கிறது. இருவரும் ஜோடியாக பல இடங்களுக்குப் போவது வழக்கம்.

சமீபத்திய பேட்டி ஒன்றில் இது குறித்து மலாய்க்கா பேசுகையில், “ஒரு பெண் அவரை விட வயது குறைந்த ஆண் ஒருவரைக் காதலிப்பது குறித்து பேசுவதை இந்த சமூகம் நிறுத்த வேண்டும். ஒரு ஆண், அவனை விட பாதி வயதுடைய பெண்ணைக் காதலித்தால் எந்தக் கேள்வியும் எழுவதில்லை. ஆனால், ஒரு பெண் அப்படி செய்தால் அதைக் குற்றமாகப் பார்க்கிறார்கள். ஏன் ஆணுக்கொரு நீதி, பெண்ணுக்கொரு நீதி,” என கேள்வி எழுப்புகிறார் மலாய்க்கா.

மலாய்க்காவிற்கு நடிகரும், இயக்குனருமான அர்பாஸ் கான் உடன் 1998ல் திருமணம் நடந்து 2017ல் விவாகரத்து நடந்துவிட்டது. கடந்த ஆறு வருடங்களாக மலாய்க்காவும், அர்ஜுனும் காதலித்து வருகிறார்கள்.

Malaikaarora

Arjunkapoor

கருத்துகள் (0) கருத்தைப் பதிவு செய்ய

'சூரரைப் போற்று' ஹிந்தி ரீமேக் ...

வெப் சீரிசுக்கு வந்தார் ஷில்பா ...

வாசகர்களே...

நீங்கள் பதிவு செய்யும் கமென்டுகள், செய்திக்கு கீழே வராமல், சைடில் தனி பெட்டியாக வருவது போல் மாற்றி உள்ளோம். இதில் வழக்கம் போல் உங்கள் கருத்துகளை படிக்கலாம். பதிவும் செய்யலாம். இது எப்படி இருக்கிறது என்ற உங்கள் கருத்தை எங்களுக்கு தெரிவியுங்கள். உங்கள் பின்னுாட்டம் மேலும் சிறப்பாக்குவதற்கு உதவி செய்யும். நன்றி

பின்னுாட்டத்தை பதிவு செய்ய