Advertisement

சிறப்புச்செய்திகள்

நீங்கள் இங்கே இருக்கிறீர்கள்: முகப்பு » ஸ்பெஷல் ரிப்போர்ட் »

பூர்ணிமா பாக்யராஜின் அடுத்த ரவுண்ட் - ஸ்பெஷல் ஸ்டோரி

23 ஆக, 2013 - 16:48 IST
எழுத்தின் அளவு:

1980களில் அம்பிகா, ராதா என மலையாள நடிகைகள் இறக்குமதியாகி கமர்ஷியலில் கொடிகட்டிப் பறந்துகொண்டிருந்தபோது மலையாளத்தில் வெளிவந்த ‘‘மஞ்சில் விரிஞ்ச பூக்கள்’’ லவ் ஸ்டோரி தமிழக ஆடியன்சையும் திரும்பிப் பார்க்க வைத்தது. புன்னகையை தேக்கி வைத்திருக்கும் கண்கள், பார்த்தவுடன் பாசம் கொள்ளத் துடிக்கும் குழந்தை முகம் என அப்போதைய பெல்பாட்டம் இளைஞர்களை வசீகரித்தால் பூர்ணிமா ஜெயராம்.

1981ம் ஆண்டு வெளிவந்த ‘‘விதி’’ படம் பூர்ணிமாவை புகழின் உச்சிக்கு கொண்டுசென்றது. கர்ப்பமாக்கி ஏமாற்றிய காதலனை எதிர்த்து வழக்குப்போட்டு அதில் ஜெயித்து, பின் அவனையே வேண்டாம் என்று சொன்ன புரட்சிகர வேடத்தில் நடித்து பெண் ரசிகர்களையும் பெற்றார் பூர்ணிமா. மஞ்சில் விரிஞ்ச பூக்களுக்கு இணையாக இங்கு கிளிஞ்சல்கள் படத்தில் நடித்தார். பயணங்கள் முடிவதில்லை வெள்ளிவிழா நாயகியாக்கியது.

டார்லிங் டார்லிங் படத்தில் நடித்தபோது அதன் டைரக்டர், ஹீரோ கே.பாக்யராஜுடன் காதல் ஏற்பட்டு திருமணமும் செய்துகொண்டார். அதன்பிறகு ரஜினியுடன் தங்க மகன், தியாகராஜனுடன் நீங்கள் கேட்டவை படத்தில் நடித்து கமர்ஷியல் ஹிட் கொடுத்தார். அதற்குள் குடும்ப வாழ்க்கையில் தன்னை ஈடுபடுத்திக் கொண்டதால் சினிமாவை விட்டு விலகினார். சாந்தனு, சரண்யா என்ற இரண்டு குழந்தைகளுக்கு தாயானார்.

தன் வாரிசுகள் இருவரையும் சினிமாவுக்கு அறிமுகப்படுத்தினார். நல்ல திறமை இருந்தும் சரண்யா ஏனோ சினிமாவுக்கு செட்டாகவில்லை. ஒரு சில படங்களிலேயே விலகிக்கொண்டார். சாந்தனுவும் அப்படியே... திறமை இருந்தும் இன்னும் போராடிக் கொண்டிருக்கிறார். பாக்யராஜ் அவ்வப்போது படம் இயக்குவது, நடிப்பது என்று தொடர்ந்து கொண்டிருக்கிறார். சினிமாவே வேண்டாம் என்று பேஷன் டிசைன் தொழிலில் பிசியாக இருந்தார் பூர்ணிமா. காலத்தின் கட்டாயம் அவரும் இப்போது மீண்டும் மேக்-அப் பெட்டியை தூக்கிவிட்டார்.

தமிழ் சினிமாவில் எப்போதும் அழகான அம்மாக்களுக்கு தனி வரவேற்பு இருக்கும். இப்போது அந்த வரவேற்பு முழுவதும் பூர்ணிமாவை நோக்கி திரும்பி இருக்கிறது. ஆரம்பத்தில் ஒரு விளம்பர படத்திற்காக கணவருடன் கேமரா முன் நின்றவர் அப்படியே சினிமாவுக்குள் மீண்டும் வந்துவிட்டார். வாய்மை என்ற படத்தில் மகன் நடிப்பதால் அதற்காக ஒத்துக்கொண்டவர். மீண்டும் சினிமாவில் தன்னை ஐக்கியப்படுத்திக் கொண்டவர். ஆதலால் காதல் செய்டிர் அவரின் ரீ என்ட்ரியை தொடங்கிவைத்திருக்கிறது.

மகன் கையில் பாட்டிலால் குத்திக்கொண்டு ரத்தம் சிந்திக் கொண்டிருக்கிறான். மகள் பிரசவ வலியால் துடித்துக் கொண்டிருக்கிறாள். இந்த இருவருக்கும் இடையில் கிடந்து தவிக்கும் ஒரு தாயின் தவிப்பை வெளிப்படுத்திய விதத்தில் இருந்து பூர்ணிமாவுக்குள் இன்னும் அந்த நடிப்பின் ஈரம் இருக்கிறது என்பதை ‘ஆதலால் காதல் செய்வீர்’ உறுதிப்படுத்தியிருக்கிறது. இப்போது ஜில்லாவில் இந்த தலைமுறையின் ஹீரோ விஜய், தன் காலத்திய ஹீரோ மோகன்லால் இருவருடனும் நடித்துக் கொண்டிருக்கிறார்.

அம்மா, அக்கா, அண்ணி கேரக்டரில் நடிக்க கேட்டு தயாரிப்பாளர்கள் பூர்ணிமாவின் வீட்டு வாசலில் கியூ கட்ட ஆரம்பித்திருக்கிறார்கள். பூர்ணிமாவின் அடுத்த ரவுண்ட் தொடங்கியாச்சு. சரண்யா பொன்வண்ணன் போல அவரும் ஒரு தேசிய விருதை எட்டிப்பிடிக்க வாழ்த்துவோம்.

Advertisement
கருத்துகள் (10) கருத்தைப் பதிவு செய்ய
கவர்ச்சி வேண்டாம் என்றால் கண்ணை மூடிக்கொள்ளுங்கள் : ராய் லட்சுமிகவர்ச்சி வேண்டாம் என்றால் கண்ணை ... 2018 - திரை நட்சத்திரங்களின் புத்தாண்டு சபதங்கள் 2018 - திரை நட்சத்திரங்களின் புத்தாண்டு ...

வாசகர்களே...

நீங்கள் பதிவு செய்யும் கமென்டுகள், செய்திக்கு கீழே வராமல், சைடில் தனி பெட்டியாக வருவது போல் மாற்றி உள்ளோம். இதில் வழக்கம் போல் உங்கள் கருத்துகளை படிக்கலாம். பதிவும் செய்யலாம். இது எப்படி இருக்கிறது என்ற உங்கள் கருத்தை எங்களுக்கு தெரிவியுங்கள். உங்கள் பின்னுாட்டம் மேலும் சிறப்பாக்குவதற்கு உதவி செய்யும். நன்றி

பின்னுாட்டத்தை பதிவு செய்ய

வாசகர் கருத்து (10)

MALAR - CHENNAI,இந்தியா
25 ஆக, 2013 - 09:13 Report Abuse
MALAR ஹாய் , ஆல் தி பெஸ்ட் அம்மா .
Rate this:
Nagarajan, Tirupur - Tirupur,இந்தியா
24 ஆக, 2013 - 13:22 Report Abuse
Nagarajan, Tirupur அன்றும் இன்றும் நீங்கள் தான் எந்தன் கனவு கன்னி டியர் வாங்க உங்கள் படத்தை 100 தடவை பார்பேன்
Rate this:
Venki Raja - mahalapye ,போஸ்ட்வானா
24 ஆக, 2013 - 10:16 Report Abuse
Venki Raja கடைசிவரைக்கும் கமலுக்கு ஜோடிய நடிகவே இல்லையம்மா
Rate this:
mahesh - cbe  ( Posted via: Dinamalar Android App )
24 ஆக, 2013 - 09:54 Report Abuse
mahesh all the best ma
Rate this:
24 ஆக, 2013 - 09:50 Report Abuse
தமிழ்நாடு காங்கிரஸ் (நக்மா கோஷ்டி) "விதி" பெட் ரூம் சீன் ரீமேக் இனி எதிர் பார்க்கலாம் .....
Rate this:
மேலும் 5 கருத்துக்கள்...

உங்கள் கருத்தைப் பதிவு செய்ய

Login :
OR )Login with
New to Dinamalar ?
(Press Ctrl+g or click this   to toggle between English and Tamil)

பேஸ்புக் மூலம் கருத்து தெரிவித்தவர்கள்

Advertisement
Advertisement

டாப் 5 படங்கள்

  • வரவிருக்கும் படங்கள் !
    Tamil New Film Zombie
    • ஜாம்பி
    • நடிகர் : யோகி பாபு
    • நடிகை : யாஷிகா ஆனந்த்
    • இயக்குனர் :புவன் நல்லான்
    Tamil New Film Natpe Thunai
    • நட்பே துணை
    • நடிகர் : ஹிப்ஹாப் தமிழா ஆதி
    • நடிகை : அனகா
    • இயக்குனர் :பார்த்திபன் தேசிங்கு
    Tamil New Film Yang Mang Chang
    • எங் மங் சங்
    • நடிகர் : பிரபுதேவா
    • நடிகை : லட்சுமி மேனன்
    • இயக்குனர் :எம்எஸ் அர்ஜூன்
    Tamil New Film Tamilarasan
    • தமிழரசன்
    • நடிகர் : விஜய் ஆண்டனி
    • நடிகை : ரம்யா நம்பீசன்
    • இயக்குனர் :பாபு யோகேஸ்வரன்
    dinamalar-advertisement-tariff-2018

    Tweets @dinamalarcinema

    Advertisement
    Copyright © 2019 Dinamalar - No.1 Tamil website in the world. All rights reserved. Mail Us Your Suggestion to webmaster@dinamalar.in