Dinamalar

‛கிச்சா' என்கிற பெயர் தன்னுடன் ஒட்டிக்கொண்டது எப்படி ? சுதீப் புதிய தகவல்

கன்னட நடிகரான கிச்சா சுதீப் கன்னட திரை உலகில் முன்னணி நடிகராக இருப்பதோடு மட்டுமல்லாமல் பாலிவுட்டிலும் அழுத்தமாக கால் பதித்தவர். தற்போது தென்னிந்திய மொழிகளிலும் மாறி மாறி நடித்து வருகிறார். குறிப்பாக தமிழ் பட இயக்குனர்களின் டைரக்ஷனில் கவனம் எடுத்து நடித்து வருகிறார். இவரது படங்களின் டைட்டிலில் இவர் பெயர் கிச்சா சுதீப் என்றுதான் குறிப்பிடப்பட்டிருக்கும். அனைவரும் அது அவருடைய பெயர்தான் என்று நான் நினைத்து வந்திருப்பார்கள். ஆனால் கிச்சா என்கிற பெயர், நிஜப்பெயருக்கு முன்னால் எப்படி நிலைத்து நின்று விட்டது என்கிற தகவலை தற்போது ஒரு பேட்டியில் கூறியுள்ளார் சுதீப்.

கன்னட திரையுலகில் வாய்ப்புகளுக்காக போராடி வந்த சுதீப்புக்கு தமிழில் வெளியான ‛சேது' படத்தின் கன்னட ரீமேக்கில் நடிக்கும் வாய்ப்பு கிடைத்தது. சேது படத்தில் விக்ரமுக்கு ‛சீயான்' என்கிற ஒரு அடைமொழியை வைத்து பின்னர் அதுவே அவரது ரசிகர்கள் அவரை அழைக்கும் பெயராக மாறியது. அதேபோல சுதீப்புக்கும் சேது ரீமேக் படத்தில் ‛கிச்சா' என்கிற பெயரை வைத்து, படம் வெளியான பிறகு ரசிகர்கள் அனைவரும் அவரை கிச்சா என்கிற பெயரிலேயே அடையாளம் கண்டு அழைக்க ஆரம்பித்தனர். தன் முதல் பட வெற்றிக்கு காரணமான பெயர் என்பதால் தன்னுடைய பெயருடன் அதை இணைத்துக் கொண்டு விட்டாராம் நடிகர் சுதீப்.

• 
  சல்மான்கானின் 60-வது பிறந்தநாள் : திரையுலகினருக்கு மெகா விருந்து
• 
  'புஷ்பா-2' சாதனையை முறியடித்த ரன்வீர் சிங்கின் 'துரந்தர்'
• 
  நாய்களை விலைக்கு வாங்காதீர்கள்.. தத்தெடுங்கள் ; ஷாலினி பாண்டே கோரிக்கை
• 
  கதை சிக்கலில் மாட்டிய ஆஸ்கர் படம்
• 
  ‛ஆசாத் பாரத்' பற்றி நெகிழும் இந்திரா திவாரி

• 
  விஜய் முடிவை மாத்தணும்.. மீண்டும் நடிக்கணும்: நடிகர் நாசர் கோரிக்கை
• 
  'ஜனநாயகன்' பாடல் வெளியீட்டு விழாவில் விஜய் பேசியது என்ன? மறந்தது என்ன?
• 
  தியேட்டரை மட்டும் நம்பாதீங்க: 2025 சொல்லி கொடுத்த பாடம்
• 
  மலேசியாவில் மிரட்டிய 'ஜனநாயகன்' : 'பராசக்தி' படத்துக்கு பிரஷர்
• 
  அவமானங்களுக்கு 'ரியாக்ட்' பண்ணாதீர்கள்: நடிகர் சூரி 'அட்வைஸ்'