Dinamalar

அருமையாகத் தமிழ் பேசும் ராம் பொத்தினேனி, கிரித்தி ஷெட்டி

லிங்குசாமி இயக்கத்தில், தேவிஸ்ரீபிரசாத் இசையமைப்பில், தமிழ், தெலுங்கில் உருவாகி வரும் படம் 'தி வாரியர்'. இப்படத்தில் ராம் பொத்தினேனி, கிரித்தி ஷெட்டி, ஆதி மற்றும் பலர் நடிக்கிறார்கள். இப்படத்தின் முதல் சிங்கிள் பாடலான 'புல்லட்' பாடல் வெளியீட்டு விழா நேற்று சென்னையில் நடைபெற்றது. உதயநிதி சிறப்பு விருந்தினராகக் கலந்து கொண்டு பாடலை வெளியிட்டார்.

நிகழ்ச்சியில் படத்தின் நாயகன் ராம் பொத்தினேனி, கிரித்தி ஷெட்டி இருவரும் அருமையாகத் தமிழில் பேசி ஆச்சரியப்படுத்தினார்கள். அதிலும் ராம் மிகவும் தெள்ளத் தெளிவாகப் பேசினார். அவருடைய பேச்சில் தெலுங்கு வாடை துளி கூட இல்லை. சென்னையில் உள்ள தனியார் பள்ளியில்தான் படித்து வளர்ந்தாராம் ராம். அதனால்தான் இவ்வளவு அருமையாகப் பேசினார் என்றார்கள்.

'உப்பெனா' படத்தில் கதாநாயகியாக அறிமுகமாக இளம் ரசிகர்களைக் கவர்ந்த கிரித்தி ஷெட்டியும் தமிழில் பேசி ஆச்சரியப்படுத்தினார். தற்போது பாலா இயக்கத்தில் சூர்யா ஜோடியாக நடித்து வருகிறார் கிரித்தி.

நேற்று வெளியிட்ட 'புல்லட்' பாடலை சிம்பு பாடியுள்ளார் என்பது குறிப்பிட வேண்டிய ஒன்று. 'தி வாரியர்' படத்தை தனித் தனியாக தமிழ், தெலுங்கு என இரு மொழிகளிலும் படமாக்கியுள்ளதாக தெரிவிக்கிறது படக்குழு.

• 
  5 வருடத்திற்கு பிறகு பாஸ்போர்ட்டை திரும்பப்பெற்ற ரியா சக்கரவர்த்தி
• 
  மகளின் நிர்வாண புகைப்படத்தை அனுப்ப சொன்னார்கள் : அக்ஷய் குமார் அதிர்ச்சி ...
• 
  மீண்டும் தயாரிப்பில் களமிறங்கும் ஹிருத்திக் ரோஷன்
• 
  இணையதள தேடல் : தீபிகா படுகோன்
• 
  கேரளாவை தொடர்ந்து ஹிந்தியிலும் சென்சார் போர்டு சிக்கலில் ஜானகி டைட்டில்

• 
  ஸ்பெயின் கார் பந்தயத்தில் மூன்றாமிடம்: அஜித் அணிக்கு உதயநிதி பாராட்டு
• 
  ‛மா இண்டி பங்காரம்' படப்பிடிப்பு இம்மாதம் துவக்கம்: சமந்தா வெளியிட்ட ...
• 
  துணிக்கடை திறப்பு விழாவில் கூட்ட நெரிசலில் சிக்கிக்கொண்ட பிரியங்கா ...
• 
  10க்கு 9 எப்பவுமே லேட் தான் ; இண்டிகோ விமான சேவை மீது மாளவிகா மோகனன் ...
• 
  வதந்திகளில் கவனம் செலுத்தவில்லை: காஜல் அகர்வால்