Dinamalar

இந்தியன் 2 வழக்கு விசாரணை முடித்து வைப்பு

கமல் நடிப்பில் ஷங்கர் இயக்கி வந்த படம் இந்தியன்-2. லைகா நிறுவனம் இப்படத்தை தயாரித்து வந்தது. இப்படத்தின் படப்பிடிப்பில் ஏற்பட்ட சில பிரச்சினைகளால் ஷங்கருக்கும், லைகா நிறுவனத்துக்குமிடையே பிரச்சினை ஏற்பட்டது. இதனால் இந்தியன்-2வை கிடப்பில் போட்டு விட்டு, ராம்சரணை வைத்து தெலுங்கு படத்தை இயக்க தயாரானார் ஷங்கர்.

ஆனால் அதை எதிர்த்து லைகா நிறுவனம் உயர்நீதி மன்றத்தில் வழக்கு தொடர்ந்தது. இரண்டு தரப்பிலும் சமாதானம் ஏற்படாத நிலையில் ஓய்வு பெற்ற நீதிபதி பானுமதியை இரண்டு தரப்பிலும் பேச்சுவார்த்தை நடத்தி சுமூகமான தீர்வு காணும்படி நீதிமன்றம் கேட்டுக்கொண்டது. அதையடுத்து, நடந்த விசாரணைக்குபிறகு தெலுங்கு படத்தை ஷங்கர் இயக்க தடையில்லை என்று அவர் தெரிவித்தார்.

ஆனபோதிலும் லைகா நிறுவனம் தொடர்ந்து இந்தியன்-2 படத்தை இயக்கிய பிறகுதான் வேறு படத்தை இயக்க ஷங்கரை அனுமதிக்க வேண்டும் என்று உயர்நீதிமன்றத்தில் வழக்கு தொடர்ந்து வந்தது. இந்த நிலையில் மீண்டும் இந்தியன்-2 வழக்கு விசாரணைக்கு வந்தபோது ஷங்கர்-லைகா நிறுவனத்திற்கிடையிலான பிரச்சினையை மீண்டும் ஓய்வு பெற்ற நீதிபதி பேசி தீர்த்து வைப்பார் என்று அந்த வழக்கை நீதிபதிகள் முடித்து வைத்துள்ளனர். அதனால் இந்தியன்-2 படப்பிடிப்பு நடைபெறுவது குறித்து விரைவில் ஒரு நல்ல முடிவு வெளியாகும் என்று தெரிகிறது.

• 
  'சங்கராந்திகி வஸ்துனம்' ஹிந்தி ரீமேக்கில் மீனாட்சி சவுத்ரி வேடத்தில் ...
• 
  'பார்டர் 2' படக்குழு வெளியிட்ட 'தி பிரேவ்ஸ் ஆப் த சாயில்' டிரைலர்
• 
  அமிதாப்பச்சன் வீட்டில் தங்க கழிப்பறையா : பரபரப்பு கிளப்பிய பாலிவுட் ...
• 
  சாய் பல்லவியைப் பாராட்டிய அமீர்கான்
• 
  'சங்கராந்திகி வஸ்துனம்' ரீமேக்கில் அக்ஷய்குமார்

• 
  ‛திரெளபதி 2' படத்தை பாடமாக வைக்க வேண்டும்: சொல்கிறார் எச்.ராஜா
• 
  மிகவும் உடல் மெலிந்த திரிஷா! வைரலாகும் இன்ஸ்டாகிராம் புகைப்படம்!!
• 
  குடும்பங்கள் கொண்டாடிய 'சிறை' முதல் ஆக்சனில் மிரட்டிய 'ரெட்ட தல' வரை ...
• 
  பாடகி எஸ் ஜானகி மகன் முரளி மறைவு
• 
  சில நடிகைகளுக்கு நடிக்க தெரியவில்லை : யாரை சொல்கிறார் மாளவிகா மோகனன்