Dinamalar

மம்முட்டி ரசிகர்களுக்கு பீஷ்ம பர்வம் இயக்குனர் வேண்டுகோள்

கடந்த 15 வருடங்களுக்கு முன்பு மலையாளத்தில் மம்முட்டி நடித்த பிக்-பி என்கிற கேங்ஸ்டர் படத்தை இயக்கியவர் இயக்குனர் அமல் நீரத். தற்போது நீண்ட இடைவெளிக்கு பிறகு மீண்டும் மம்முட்டியை வைத்து பீஷ்ம பர்வம் என்கிற படத்தை இயக்கியுள்ளார். இந்த படம் மார்ச்-3ல் திரையரங்குகளில் வெளியாகி உள்ளது. படத்திற்கு கலவையான விமர்சனங்கள் வந்து கொண்டிருக்கும் நிலையில், இந்த படத்தில் இடம்பெறும் சில காட்சிகளை ரசிகர்கள் தங்கள் மொபைல்போனில் படம் பிடித்து அவற்றை சோசியல் மீடியாவில் பகிர்ந்து கொண்டு வருகின்றனர். இது இயக்குனர் அமல் நீரத்தை ரொம்பவே அப்செட் ஆக்கியுள்ளது.

உடனே இது குறித்து ரசிகர்களுக்கு வேண்டுகோள் விடுக்கும் விதமாக, 'ரசிகர்கள் இந்த படத்தை தியேட்டருக்கு வந்து பார்த்து என்ஜாய் செய்து ரசியுங்கள், அதேசமயம் தயவுசெய்து யாரும் படக்காட்சிகளை மொபைல் போனில் பதிவு செய்வதோ அவற்றை சோசியல் மீடியாவில் பரப்புவதோ செய்ய வேண்டாம் என வேண்டுகோள் வைக்கிறேன்... கொரோனா தாக்கம் நிலவிய இந்த இரண்டு வருட காலத்தில் இந்த படத்தை எடுத்து முடிக்க நாங்கள் மிகப்பெரிய உழைப்பை கொடுத்திருக்கிறோம். தயவுசெய்து அதை வீணடித்து விட வேண்டாம்” என்று கேட்டுக் கொண்டுள்ளார்.

• 
  'தி பேமிலி மேன் 3' ரிலீஸ்: பதட்டமாகவும், சந்தோஷமாகவும் இருக்கு: மனோஜ் ...
• 
  நலமாக இருந்தால்தான் நல்லதைத் தர முடியும்: தீபிகா படுகோனே
• 
  பெரிய சம்பளத்தை மட்டுமே எதிர்பார்த்து நான் நடிப்பதில்லை : தீபிகா படுகோனே ...
• 
  ரன்வீர், சாரா நடித்துள்ள துரந்தர் பட டிரைலர் வெளியானது
• 
  இந்த 3 விஷயங்களும் முக்கியமானவை : தீபிகா படுகோனே

• 
  தி கேர்ள் ப்ரண்ட் ஹீரோவின் கன்னட பட ரிலீஸ் தேதி ஒரு வாரம் தள்ளி வைப்பு
• 
  தள்ளிப்போன மம்முட்டியின் களம்காவல் ரிலீஸ்
• 
  கிறிஸ்துமஸ் பண்டிகையில் வெளியாகும் 'சர்வம் மாயா'
• 
  பட விளம்பர மோசடி ; பெண் உள்ளிட்ட ஐவர் மீது நடிகர் யஷ்ஷின் தாயார் போலீசில் ...
• 
  மோகன்லால் மம்முட்டி படங்களை பயன்படுத்தியதால் 2 வருட தடை விதித்தனர் ; ...