Dinamalar

பிளாஷ்பேக் : அதிக படங்களில் கவர்ச்சி நடனம் ஆடியவர்

கவர்ச்சி நடனத்திற்கென்றே நடிகைகள் இருந்தது இந்திய சினிமாவில்தான். 1980களில் தமிழில் சில்க் ஸ்மிதா அனுராதா, டிஸ்கோ சாந்தி, ஜெயமாலினி, மாயா, ஜோதிலட்சுமி உள்ளிட்ட பல நடிகைகள் இருந்தனர். ஆனால் இவர்களுக்கு முன்பே 1960-1980 காலகட்டத்தில் பாலிவுட்டில் நடனத்தால் கொடிகட்டி பறந்தவர் ஹெலன் என்ற ஹெலன் ஜைராக் ரிச்சர்ட்சன் கான். 750 படங்களுக்கு மேல் கவர்ச்சி நடனம் ஆடியுள்ளார்.

”காபரே குயின்” அழைக்கப்பட்ட இவர் ஆடாத இந்தி படங்கள் வெளி வராது என்ற ஒரு காலம் இருந்தது. ஹெலன் நடனம் இருந்தால் அந்தப் படத்திற்கு தனி மார்க்கெட்டும் இருந்தது. மேற்கத்திய கவர்ச்சி நடனத்தை இந்திய சினிமாவிற்கு அறிமுகப்படுத்திய வரும் ஹெலன்தான். தமிழிலும் சங்கே முழங்கு, பாக்தாத் திருடன், மர்ம வீரன், பக்த ராவணா , மாய மனிதன், உத்தம புத்திரன், நான் சொல்லும் ரகசியம், அலாவுதீனும் அற்புத விளக்கும் போன்ற பல படங்களில் நடனம் ஆடியுள்ளார். பெரும்பாலும் ஹெலனின் நடனத்திற்கு பாடல் பாடியவர், ஆஷா போன்ஸ்லே.

ஒரு ஆங்கிலோ இந்தியன் தந்தைக்கும் பர்மாவைச் சேர்ந்த தாய்க்கும் பர்மாவில் பிறந்தவர். இரண்டாம் உலகப் போரின்போது தந்தை இறந்து விட்டதால் இவரது குடும்பம் 1943ம் ஆண்டு பம்பாய்க்குக் குடிபெயர்ந்தது. குடும்ப வறுமையை போக்க 19வது வயதில் பாலிவுட் சினிமாவில் குரூப் டான்சராக அறிமுகமானார்.

1957ல் வெளிவந்த “ஹவுரா பிரிட்ஜ்” என்ற படத்தில் இடம்பெற்ற இவரது நடனம் மூலம் புகழ்பெற்றார். 'ஷோலே' படத்தில் இவர் ஆடிய நடனம் இப்போதும் ரசிக்கப்படுகிறது.

• 
  'கடார் 3' உறுதி ; அமிஷா பட்டேல் வெளியிட்ட தகவல்
• 
  மூன்றாம் பாலினத்தவர்கள் கடவுளின் குழந்தைகள்: ஆசிம் கெதர்பால்
• 
  வாரிசு நட்சத்திரங்களால் பல வாய்ப்புகளை இழந்தேன் ; கிர்த்தி சனோன் வேதனை
• 
  ராகினி எம்எம்எஸ் 3 திரில்லர் படத்தில் இணைந்த தமன்னா
• 
  கிரிக்கெட் வீரர் பயோபிக்கில் மீண்டும் இணையும் 'லகான்' கூட்டணி

• 
  'கருப்பு' ரிலீஸால் தள்ளிப் போகும் சூர்யாவின் 'விஸ்வநாத் அண்ட் சன்ஸ்'
• 
  முதல்வராக பதவியேற்ற முதல்நாளே கோரிக்கை வைத்த திருப்பூர் சுப்ரமணியன்
• 
  ரஜினி, கமல் படத்தில் திரிஷா?
• 
  ஒரு முறை இல்லை, பலமுறை வருவது தான் காதல்! - நடிகை தமன்னா
• 
  'ஜெயிலர் 2' படத்தின் முதல் பாடல் எப்போது?