Dinamalar

கிராமத்து பெண்ணாக நடிக்கும் களவாணி காயத்ரி

களவாணி படத்தில் ஓவியாவின் பள்ளித் தோழியாக நடித்தவர் காயத்ரி. சினிமா கனவுகளுக்கு பாதை கிடைக்காததால் சின்னத்திரை பக்கம் சென்றார். அழகி, பாசமலர், மோகினி தொடர்களில் முக்கியமான கேரக்டரில் நடித்து வரும் காயத்ரி தற்போது களத்து வீடு என்ற தொடரில் கிராமத்து பெண்ணாக நடிக்கிறார்.

"களவாணி படத்துக்கு பிறகு மீண்டும் கிராமத்து பக்கம் வந்திருக்கிறேன். தேனி பகுதியில்தான் படப்பிடிப்பு நடந்து வருகிறது. சென்னை நகரின் பரபரப்பான வாழ்க்கை, வாகன புகை, காதை கிழிக்கும் சத்தம் இவற்றிலிருந்து விடுபட்டு அழகான, அமைதியான சூழ்நிலையை அனுபவித்து வருகிறேன். தொடர்ந்து படப்பிடிப்பு நடப்பதால் குடும்பத்தினரை மிகவும் மிஸ் பண்ணுகிறேன். மற்றபடி எல்லாமே ஜாலியாக இருக்கிறது" என்கிறார் காயத்ரி.

• செய்திகள்
• ஆல்பம்