கில்லி பார்த்துவிட்டு திரிஷாவிற்கு பிறந்தநாள் வாழ்த்து தெரிவித்த கீர்த்தி சுரேஷ் | தக்லைப் படத்திலிருந்து மீண்டும் விலகினாரா ஜெயம் ரவி? | மாரி செல்வராஜ் இயக்கத்தில் துருவ் விக்ரம் நடிக்கும் ‛பைசன் காளமாடன்' | மீண்டும் த்ரில்லர் படத்தில் ஜி.வி.பிரகாஷ் | கடலை சுத்தம் செய்ய கிளம்பிய ரெஜினா | யுனிசெப் தூதராக கரீனா கபூர் நியமனம் | பிளாஷ்பேக்: 'கண்ணீர் திலகம்' ஸ்ரீரஞ்சனி | டைட்டானிக் கேப்டன் காலமானார் | ஐஸ்வர்யா லட்சுமி தோழிதான், காதலி இல்லை : அர்ஜூன் தாஸ் விளக்கம் | புதிய கதைகளை தேடி செல்லும் சிம்பு! |
பிள்ளை நிலா சீரியலில் ஹேமா என்ற கேரக்டரில் நடித்து வருபவர் திவ்யா பத்மினி. கேரளாவைச் சேர்ந்தவரான இவர், சின்னத்திரைக்கு வருவதற்கு முன்பே, தமிழ் சினிமாவில், புலி வேசம், அய்யன், காசேதான் கடவுளடா, விளையாடவா என பல படங்களில் நடித்திருக்கிறார்.
ஆனால், இப்படி பல படங்களில் நடித்தபோதும் அவருக்கு ரசிகர்கள் மத்தியில் கிடைக்காத ரீச், இப்போது நடித்து வரும் பிள்ளை நிலா சீரியலில் கிடைத்து வருகிறதாம். அவர் எங்காவது பொதுமக்கள் கூடும் பகுதிக்கு சென்றால், அதோ பிள்ளை நிலா ஹேமா என்கிறார்களாம். அதோடு, தங்கள் குடும்பத்தில் ஒருவர் போன்று நினைத்து பாசத்துடன் பழகுகிறார்களாம்.
அதனால், சினிமாவில் கிடைக்காத பெயரும், புகழும் சின்னத்திரையில்தான் கிடைக்கிறது எனறு கூறும் திவ்யா பத்மினிக்கு, இப்போதும் சில படங்களில் நடிக்க வாய்ப்புகள் கதவை தட்டுகிறதாம். ஆனால், அவருக்குத்தான் சினிமாவில் நடிப்பதில் விருப்பம் இல்லையாம். அதனால் தேடிச்செல்லும் வாய்ப்புகளைகூட திருப்பி அனுப்பி வருகிறாராம் திவ்யா பத்மினி.
மேலும், தற்போது தமிழில் மட்டுமின்றி, தனது தாய்மொழியான மலையாள சீரியல்களிலும் நடித்து வருவதாக கூறும் அவர், சினிமாவில் அவுட்டோர் செல்ல வேண்டும், கிளாமராக நடிக்க வேண்டும் என்று பல பிரச்சினைகள் இருக்கும். ஆனால் டிவியில் அப்படி எந்த பிரச்சினையும் இல்லை. அலுவலகம் சென்று வருவதுபோல் உள்ளது. அதனால் ஆயுசுக்கும் சின்னத்திரை நடிகையாக இருக்க நான் ஆசைப்படுகிறேன் என்கிறார் திவ்யாபத்மினி.