Dinamalar

மகேஷ் பாபுவுக்கு பதிலளித்த ஏ.ஆர்.ரஹ்மான்

தெலுங்குத் திரையுலகத்தில் கொரோனா இரண்டாவது அலைக்குப் பிறகு லவ் ஸ்டோரி படத்திற்குக் கிடைத்த வரவேற்பு தான் பரபரப்பாக பேசப்பட்டு வருகிறது. சேகர் கம்முலா இயக்கத்தில் நாக சைதன்யா, சாய் பல்லவி மற்றும் பலர் நடித்துள்ள அந்தப் படத்திற்கு பவன் இசையமைத்துள்ளார். இவர் ஏ.ஆர்.ரஹ்மான் நடத்தி வரும் இசைக் கல்லூரியில் படித்தவர்.

லவ் ஸ்டோரி படம் குறித்து இரண்டு தினங்களுக்கு முன்பு மகேஷ் பாபு டுவீட் செய்தது அந்தப் படத்திற்கு மேலும் வரவேற்பைக் கூட்டியுள்ளது. அவரது டுவீட்டில் இசையமைப்பாளர் பவன் பற்றி, “பவனிடமிருந்து இன்னும் பலவற்றைக் கேட்க உள்ளோம். என்ன ஒரு இசையமைப்பு, உணர்ச்சிமிக்க ஒன்று. அவர் ஏ.ஆர்.ரஹ்மானின் மாணவர் எனக் கேள்விப்பட்டேன். ரஹ்மான் சார், அவரைப் பற்றி நீங்கள் பெருமைப்படலாம்,” எனக் குறிப்பிட்டுள்ளார்.

மகேஷ்பாபுவின் டுவீட்டுக்கு ஏஆர் ரஹ்மான், “ஆமாம், அவர் மிகத் திறமை வாய்ந்தவர், பணிவானவர். எங்களது இசைக் கல்லூரியில் உள்ள அனைவரும் அவருடைய வெற்றிக்காக உண்மையில் பெருமைப்படுகிறோம், எல்லாப் புகழும் இறைவனுக்கே,” என பதிலளித்துள்ளார்.

லவ் ஸ்டோரி படத்தில் பவன் இசையமைத்துள்ள சாரங்க தரியா பாடல் யு டியுபில் ஏற்கெனவே, 328 மில்லியனைக் கடந்துள்ளது. படத்தில் உள்ள மற்ற பாடல்களும் சூப்பர் ஹிட்டாகி உள்ளன.

• 
  தர்மேந்திரா உடன் மீண்டும் இணைந்து நடிக்கும் அர்பாஸ் கான்
• 
  தனுஷ் படத்தின் இறுதிக்கட்ட படப்பிடிப்பில் கிர்த்தி சனோன்
• 
  'கல்கி 2' படத்திலிருந்தும் தீபிகா படுகோனே விலகல்?
• 
  சூப்பர் ஹீரோ படத்திற்காக லோகேஷ் கனகராஜ் உடன் கைகோர்க்கும் அமீர்கான்
• 
  தாரே ஜமீன் பர் படத்தை யு-டியூப்பில் இலவசமாக வெளியிடும் அமீர்கான்

• 
  பிளாஷ்பேக்: ஒரே படத்தின் கதையை இருவேறு காலங்களில் இயக்கிய இயக்குநர்
• 
  'பென்ஸ்' படத்தில் இணையும் ஹரிஷ் கல்யாண், மூன்று நாயகிகள்
• 
  பாலகிருஷ்ணா பிறந்தநாளில் வெளியான ‛அகண்டா 2' அறிமுக டீசர்
• 
  வெற்றிமாறனை சுற்றி வரும் வதந்திகள், பதில் சொல்வாரா ?
• 
  நயன்தாரா படத்தை தொடர்ந்து திலீப் படத்தை இயக்கும் வாரிசு நடிகர்