Dinamalar

'காடன்' ஹிந்தி - டிவியில் நேரடி ரிலீஸ்

'மைனா, கும்கி' படங்களின் இயக்குனர் பிரபு சாலமன் இயக்கத்தில் ராணா டகுபட்டி, விஷ்ணு விஷால் மற்றும் பலர் நடித்து தமிழ், தெலுங்கு, ஹிந்தியில் உருவான படம் 'காடன்'. தமிழ், தெலுங்கில் இப்படம் இந்த வருடம் மார்ச் மாதம் வெளிவந்தது. ஆனால், எதிர்பார்த்த வரவேற்பைப் பெறாமல் தோல்வியைத் தழுவியது. மார்ச் மாதத்தில் வட இந்தியாவில் கொரானோ இரண்டாவது அலை தாக்க ஆரம்பித்தால் படத்தின் வெளியீட்டைத் தள்ளி வைத்தனர்.

தற்போது ஹிந்திப் பதிப்பான 'ஹாத்தி மேரி சாத்தி'யை செப்டம்பர் 18ம் தேதி ஜீ சினிமா டிவியில் நேரடியாக ரிலீஸ் செய்கிறார்கள். அன்றைய தினம் ஈராஸ் நவ் ஓடிடி தளத்திலும் படம் வெளியாகிறது.

தமிழ், தெலுங்கில் வரவேற்பைப் பெறாத காரணத்தால் ஹிந்தியிலும் எதிர்பார்த்த வியாபாரம் நடைபெற வாய்ப்பில்லை. எனவே, படத்தை நேரடியாக டிவியில் வெளியிட முடிவு செய்துவிட்டார்கள் என பாலிவுட் தகவல்கள் தெரிவிக்கின்றன.

தமிழ், தெலுங்கில் ஏற்று நடித்த கதாபாத்திரத்திலேயே ஹிந்தியிலும் ராணா டகுபட்டி நடித்துள்ளார். தமிழில் விஷ்ணு விஷால் நடித்த கதாபாத்திரத்தில் ஹிந்தியில் புல்கிட் சாம்ராட் நடித்துள்ளார்.

படத்தில் தமிழ் முகங்களை விட ஹிந்தி முகங்கள் அதிகம் இருந்ததால்தான் படம் தமிழில் தோல்வியைத் தழுவ ஒரு காரணமாக இருந்தது.

• 
  ‛பஞ்சாயத்து' சீரிஸ் என்னை இந்தியா முழுக்க அறிய வைத்திருக்கிறது - நீனா ...
• 
  ஐதராபாத் திரைப்பட நகரம் பற்றி கஜோல் பேச்சு : திரையுலகம் அதிர்ச்சி
• 
  டிவி ஒளிபரப்பில் சாதனை படைத்த 'புஷ்பா 2'
• 
  கர்ப்பமாக இருக்கும் கியாரா அத்வானிக்காக டாக்ஸிக் படப்பிடிப்பை ...
• 
  நான் இன்னமும் என்னை ஒரு நடிகராகவே கருதுகிறேன் : அமீர்கான்

• 
  கிண்டல் செய்த ரசிகருக்கு மாளவிகா மோகனன் கொடுத்த பதிலடி
• 
  நடிகர் ஸ்ரீ எழுதிய ஆங்கில நாவல் வெளியானது!
• 
  தக் லைப் படம் ரிலீஸை தடுத்தால் வழக்குப்பதிவு: சுப்ரீம் கோர்ட் எச்சரிக்கை!
• 
  குபேரா படத்திற்கு 19 இடங்களில் கட் கொடுத்த சென்சார் போர்டு
• 
  விஜய்யை தொடர்ந்து ரஜினியை இயக்குகிறாரா வினோத்?