Dinamalar

'தலைவி' வெளியீட்டிற்கு வந்த புதிய தலைவலி

விஜய் இயக்கத்தில், ஜி.வி.பிரகாஷ்குமார் இசையமைப்பில், கங்கனா ரணவத், அரவிந்த்சாமி, சமுத்திரக்கனி, நாசர், பூர்ணா மற்றும் பலர் நடிப்பில் உருவாகியுள்ள படம் 'தலைவி'.
மறைந்த முதல்வரும், நடிகையுமான ஜெயலலிதாவின் வாழ்க்கை வரலாற்றுப் படமாக உருவாகியுள்ள இப்படம் செப்டம்பர் 10ம் தேதி வெளியாக உள்ளதாக அறிவிக்கப்பட்டுள்ளது. தமிழ், ஹிந்தி, தெலுங்கு, ஆகிய மொழிகளில் இப்படத்தை வெளியிட திட்டமிட்டுள்ளார்கள். ஆனால், தற்போது படத்திற்குப் புதிதாக சில பிரச்னைகள் வந்துள்ளது.

இப்படத்தின் தமிழ், ஹிந்தி ஓடிடி வெளியீட்டு உரிமையை அமேசான், நெட்பிளிக்ஸ் ஆகிய தளங்களுக்கு விற்றுள்ளார்கள். தியேட்டர்களில் வெளியான இரண்டு வாரங்களில் படத்தை ஓடிடியில் வெளியிடலாம் என அவர்களிடம் ஒப்பந்தம் போடப்பட்டுள்ளதாம். இரண்டு வாரங்களில் ஓடிடியில் வெளியாகும் படத்தை நாங்கள் ஏன் தியேட்டர்களில் வெளியிட வேண்டும் என தியேட்டர்காரர்கள் கேள்வி கேட்கிறார்களாம்.

குறைந்தபட்சம் ஒரு மாத காலம் கழித்துத்தான் ஓடிடிக்களில் படங்களை வெளியிட வேண்டும் என்பதுதான் தற்போது நடைமுறையில் இருந்து வருகிறது. எனவே, இது தொடர்பாக இன்று நடக்கும் பேச்சுவார்த்தையில் முடிவு எட்டப்பட உள்ளது.

இதனிடையே, மஹாராஷ்டிரா மாநிலத்தைத் தவிர மற்ற மாநிலங்களிலதான் 'தலைவி' படத்தின் ஹிந்தி பதிப்பு வெளியாக வேண்டிய சூழல் ஏற்பட்டுள்ளது. விநாயகர் சதுர்த்தி கொண்டாட்டங்களுக்குப் பிறகுதான் அம்மாநிலத்தில் தியேட்டர்களைத் திறக்கும் முடிவில் இருக்கிறதாம் அம்மாநில அரசு. அதற்குள் 'தலைவி' படம் வெளிவந்து இரண்டு வாரங்கள் ஆகிவிடும் என்கிறார்கள்.

• 
  சிறுத்தையின் கர்ஜனையால் தெறித்து ஓடிய நடிகை மவுனி ராய்
• 
  'திரிஷ்யம்-3'யில் அக்ஷய் கண்ணாவுக்கு பதிலாக நடிக்கும் விஸ்வரூபம் ...
• 
  ஷாருக்கானின் பதான் பட வசூலை முறியடிக்கும் துரந்தர்
• 
  சல்மான்கானின் 60-வது பிறந்தநாள் : திரையுலகினருக்கு மெகா விருந்து
• 
  'புஷ்பா-2' சாதனையை முறியடித்த ரன்வீர் சிங்கின் 'துரந்தர்'

• 
  பான் இந்தியா ஹீரோயின் ஆக மாறும் ருக்மணி வசந்த்
• 
  விஜய் மீண்டும் நடிக்க வருவார் : அனலி ஹீரோயின் ஆருடம்
• 
  பிளாஷ்பேக்: படப்பிடிப்பு முடியும் முன்பே பலியான “பத்ரகாளி” பட நாயகி ராணி ...
• 
  அண்ணனின் திருமண நாளிலேயே தனது திருமணத்திற்கு தேதி குறித்த அல்லு சிரிஷ்
• 
  புறநானூறு படத்திலிருந்து சூர்யா விலகியது ஏன்? : சுதா கொங்கரா பதில்