ஏரியல் யோகா செய்து அசத்தும் ரகுல் பிரீத் சிங்

24 ஆக, 2021 - 10:50 IST

0 கருத்துகள் கருத்தைப் பதிவு செய்ய

எழுத்தின் அளவு:

தீரன் அதிகாரம் ஒன்று, தேவ் ஆகிய படங்களில் கதாநாயகியாக நடித்தவர் நடிகை ரகுல் பிரீத் சிங்.. தனது உடலை கட்டுக்கோப்பாக வைத்துக்கொள்வதில் தொடர்ந்து கவனம் செலுத்தி வருபவர்.. இவரது யோகா பயிற்சி, உடற்பயிற்சி வீடியோக்களும் இணையத்தில் ரொம்பவே பிரபலம். இந்தநிலையில் யோகா பயிற்சியிலேயே ஏரியல் யோகா என்கிற புதுவிதமான பயிற்சியை செய்து ரசிகர்களை பிரமிக்க வைத்துள்ளார் ரகுல் பிரீத் சிங். இவர் ஏரியல் யோகா செய்யும் புகைப்படங்கள் சோஷியல் மீடியாவில் வைரலாகின.

இந்த ஏரியல் யோகா என்பது கிட்டத்தட்ட ஒரு நீண்ட துணியின் உதவியால் தரையை தொடாமல் சற்று உயரத்தில் அந்தரத்தில் பறப்பது போன்ற ஒருவித பயிற்சி ஆகும். அடிப்படை யோகா பயிற்சிகளில் கரை தேர்ந்தவர்களுக்கு இந்த ஏரியல் யோகா எளிதில் கைவந்துவிடும் என்கிறார் ரகுல் பிரீத் சிங்கின் யோகா பயிற்சியாளர் அனுஷ்கா.

இந்த ஏரியல் யோகா குறித்து ரகுல் பிரீத் சிங் கூறும்போது, “இதுபோன்ற பயிற்சிகள் செய்யும்போது ஆரோக்கியமான உடல்நலத்தின் முக்கியத்துவம் தெரிகிறது. என்னை பொறுத்தவரை உடற்பயிற்சி என்பது வெறும் உடல்ரீதியானது மட்டுமல்ல, மன ரீதியான மற்றும் உணர்வு ரீதியானதும் கூட. என்னதான் உங்கள் உடல் நிலையை வெளிப்புற காரணிகள் தீர்மானித்தாலும் எல்லா நேரங்களிலும் நீங்கள் எப்படி மகிழ்ச்சியாகவும், சந்தோஷமாகவும் இருக்கிறீர்கள் என்பது தான் முக்கியம். முன்னெப்போதையும் விட இப்போது தான் உடல் நலத்துடன் இருக்க வேண்டியது அவசியம்.. இதுவரை ஆரம்பிக்காவிட்டால் உடனே ஆரம்பியுங்கள்” என கூறியுள்ளார்.

இதுமாதிரியான யோகா குறித்த உங்களின் கருத்துக்களையும், அனுபவங்களையும் கீழே உள்ள கமெண்ட் பாக்ஸில் தெரிவிக்கலாம்.

Rakulpreetsingh

கருத்துகள் (0) கருத்தைப் பதிவு செய்ய

ஷங்கர் படத்தில் இருந்து ராஷ்மிகா ...

அண்ணாத்த படப்பிடிப்பு படத்தை ...

வாசகர்களே...

நீங்கள் பதிவு செய்யும் கமென்டுகள், செய்திக்கு கீழே வராமல், சைடில் தனி பெட்டியாக வருவது போல் மாற்றி உள்ளோம். இதில் வழக்கம் போல் உங்கள் கருத்துகளை படிக்கலாம். பதிவும் செய்யலாம். இது எப்படி இருக்கிறது என்ற உங்கள் கருத்தை எங்களுக்கு தெரிவியுங்கள். உங்கள் பின்னுாட்டம் மேலும் சிறப்பாக்குவதற்கு உதவி செய்யும். நன்றி

பின்னுாட்டத்தை பதிவு செய்ய