1200 மில்லியனைக் கடந்த ரவுடி பேபி

நீங்கள் இங்கே இருக்கிறீர்கள்: முகப்பு » கோலிவுட் செய்திகள் »

1200 மில்லியனைக் கடந்த 'ரவுடி பேபி'

31 ஜூலை, 2021 - 12:11 IST

எழுத்தின் அளவு:

பாலாஜி மோகன் இயக்கத்தில் யுவன்ஷங்கர் ராஜா இசையில், தனுஷ், சாய் பல்லவி மற்றும் பலர் நடித்த 'மாரி 2' படத்தில் இடம் பெற்ற 'ரவுடி பேபி' பாடல் தொடர்ந்து சாதனைகளைப் புரிந்து வருகிறது. இப்பாடலை யு டியுபில் இப்போதும் கூட தினமும் ரசிகர்கள் ரசித்துப் பார்த்து வருகிறார்கள். அதன் காரணமாக தற்போது 1200 மில்லியன் பார்வைகளைக் கடந்துள்ளது.

கடந்த மார்ச் மாதத்தில் 1100 மில்லியன் சாதனையைக் கடந்த இப்பாடல், அடுத்த ஐந்து மாதங்களுக்குள் மேலும் 100 மில்லியன் பார்வைகளைப் பெற்று இப்போது 1200 மில்லியன் பார்வைகளைக் கடந்துள்ளது. கடந்த ஐந்து மாதங்களில் இப்பாடலுக்கு சராசரியாக தினமும் 6 லட்சத்திற்கும் மேற்பட்ட பார்வைகள் கிடைத்து வருகிறது.

இப்பாடல் யு டியூப் தளத்தில் வெளியாகி இரண்டரை வருடங்களுக்கு மேலாகிவிட்டது. இருந்தாலும் ரசிகர்கள் மத்தியில் இப்பாடல் நீங்காத ஒரு இடத்தைப் பிடித்துள்ளது என்பது இதன் மூலம் தெரிகிறது.

யுவன் இசையில் தனுஷ் எழுதி தீ-யுடன் பாடிய இப்பாடலுக்கு ஜானி மாஸ்டரின் நடன அமைப்பில் தனுஷ், சாய் பல்லவியின் அசத்தல் நடனமும் இப்பாடலை உச்சத்திற்குக் கொண்டு சென்றுவிட்டது.

Rowdybaby

Maari2

1200millionviewsforrowdybaby

கருத்துகள் (0) கருத்தைப் பதிவு செய்ய

விஜய்யும், பிரபாசும் மோதிக் ...

ஷங்கர் - ராம்சரண் படக் கதாநாயகி ...

வாசகர்களே...

நீங்கள் பதிவு செய்யும் கமென்டுகள், செய்திக்கு கீழே வராமல், சைடில் தனி பெட்டியாக வருவது போல் மாற்றி உள்ளோம். இதில் வழக்கம் போல் உங்கள் கருத்துகளை படிக்கலாம். பதிவும் செய்யலாம். இது எப்படி இருக்கிறது என்ற உங்கள் கருத்தை எங்களுக்கு தெரிவியுங்கள். உங்கள் பின்னுாட்டம் மேலும் சிறப்பாக்குவதற்கு உதவி செய்யும். நன்றி

பின்னுாட்டத்தை பதிவு செய்ய