Dinamalar

டூப் போடாமல் சண்டைக்காட்சிகளில் அசத்திய சன்னிலியோன்

பாலிவுட் கவர்ச்சி நடிகை சன்னிலியோனுக்கு தென்னிந்திய ரசிகர்களிடமும் மிகப்பெரிய அளவில் ஈர்ப்பு இருக்கிறது. அந்தவகையில் தமிழ், தெலுங்கு, மலையாளம் ஆகிய மொழிகளில் ஒரு பாடலுக்கு மட்டும் சன்னி லியோனை ஆடவைத்து ரசிகர்களை தியேட்டருக்கு வரவழைத்தார்கள். தற்போது மலையாள சினிமாவில் இன்னும் ஒருபடி மேலே போய் சன்னி லியோனின் முழு நடிப்புத் திறமையையும் வெளிக்கொண்டு வரும் விதமாக அவரை கதாநாயகியாக்கி அழகு பார்க்க ஆரம்பித்துள்ளார்கள். அந்த வகையில் ஏற்கனவே ரங்கீலா என்கிற படத்தில் ஒப்பந்தமாகி நடித்து வந்த சன்னி லியோன் அது பாதியில் நிற்கும் நிலையில், தற்போது ஷீரோ என்கிற படத்தில் நடித்து வருகிறார்.

இந்த படத்தில் அவர் சில சண்டைக் காட்சிகளிலும் நடிக்க வேண்டி இருந்தது. சன்னி லியோனை ஒப்பந்தம் செய்யும்போதே இயக்குனரை தனியாக அழைத்த அவரது மேனேஜர், சண்டைக்காட்சிகளில் சன்னி லியோன் நடிக்க ஆர்வம் காட்டுவார், ஆனால் நாங்கள் ரிஸ்க் எடுக்க விரும்பவில்லை.. நீங்கள் அதற்காக டூப் ஏற்பாடு செய்து கொள்ளுங்கள் என்று கூறினாராம். ஆனால் இதை தெரிந்து கொண்ட சன்னி லியோன், தானே ஆக்ஷன் காட்சிகளில் நடிப்பேன் என்று கூறியதோடு அதற்காக முன்கூட்டியே கேரளா வந்து ஒரு வாரம் ரிகர்சல் செய்து பயிற்சி எடுத்துக் கொண்டாராம். அதுமட்டுமல்ல சண்டைக் காட்சிகளில் மிகச்சிறப்பாக நடித்தும் அசத்தினாராம்

• 
  டில்லியில் சந்திப்பார்களா விஜய் - அஜித்?
• 
  பரபரப்பை ஏற்படுத்தாமல் கடந்து போன 'தலைவி'
• 
  பிக்பாஸ் - நாகார்ஜுனா சம்பளம் எவ்வளவு தெரியமா ?
• 
  அக்., 3 முதல் தமிழ் பிக்பாஸ் 5 ஆரம்பம்
• 
  பைக்கில் உலகம் சுற்ற தயாராகிறாரா அஜித்?

• 
  அட்லி இயக்கும் லயன், மணி ஹீஸ்ட் வெப் சீரிசின் தழுவலா?
• 
  'பிக் பாஸ் 15' சல்மான்கான் சம்பளம் எவ்வளவு தெரியுமா?
• 
  சட்டவிரோத குடியேற்றம் பற்றிய படம்: ராஜ்குமார் ஹிரானியுடன் இணையும் ...
• 
  விவாகரத்துக்கு பின்னரும் ஜோடியாக சுற்றும் ஆமீர்கான் தம்பதி
• 
  சித்தார்த் மல்ஹோத்ராவை தமிழுக்கு வரவேற்கும் ராஷ்மிகா