Dinamalar

என்னிடம் கேட்காமலேயே கதையை மாற்றி விட்டார் ; வரலட்சுமி மீது 'சரஸ்வதி' பட கதாசிரியர் குற்றச்சாட்டு

தமிழ் மற்றும் தெலுங்கில் பிசியான நடிகையாக மாறி மாறி நடித்து வந்த வரலட்சுமி சரத்குமார். சமீபத்தில் இயக்குனராக மாறி 'சரஸ்வதி' என்கிற படத்தை இயக்கியுள்ளார். சென்சார் சிக்கல் காரணமாக 'எஸ்.சரஸ்வதி' என்கிற பெயரில் கடந்த வாரம் தெலுங்கில் மட்டும் இந்த படம் வெளியானது. இந்த படத்திற்கு பிரபல கதாசிரியரான சாய் மாதவ் புர்ரா என்பவர் கதை எழுதியிருந்தார்.

தற்போது படம் வெளியாகி உள்ள நிலையில் படத்தை பார்த்துவிட்டு, “நான் வரலட்சுமியிடம் கொடுத்த கதை ஒன்று... படத்தில் இடம்பெற்றுள்ள கதை வேறென்றாக இருக்கிறது.. என் கதையை பலாத்காரம் செய்து விட்டார்கள். என்னுடைய கதை பழிவாங்கும் கதை அல்ல.. அதன் ஆன்மாவே வேறு. ஆனால் படத்தில் காட்டப்பட்டிருப்பது வேறு” என்று கூறியுள்ளார்.

இது குறித்து சமீபத்திய செய்தியாளர் சந்திப்பில் பதிலடி கொடுக்கும் விதமாக பேசிய வரலட்சுமி சரத்குமார், “ஒரு சீனியர் என்கிற முறையில் கதாசிரியரை நான் மதிக்கிறேன். கதையில் சில மாற்றங்கள் செய்ய வேண்டி இருந்ததால் அவரை கதை விவாதத்திற்கு அழைத்தோம். ஆனால் அவர் வேறு பல பெரிய படங்களில் பணியாற்றிக் கொண்டு பிஸியாக இருந்ததால் எங்களுக்கு ஒதுக்குவதற்கு அவரிடம் நேரமில்லை. அதற்காக இப்படி பலாத்காரம் என்கிற வார்த்தையை அவர் பயன்படுத்தியது தவறு. அப்படிப்பட்டவரிடமிருந்து இந்த வார்த்தையை எதிர்பார்க்கவில்லை. என்ன வார்த்தை பேசுகிறோம் என்பதில் கவனமாக இருக்க வேண்டும்” என்று காட்டமாக கூறியுள்ளார்.

• 
  சாய் பல்லவி நடித்துள்ள ஏக் தின் ஹிந்தி படத்தின் டிரைலர் வெளியானது
• 
  மும்பை துப்பாக்கிச்சூடு சம்பவத்தை மையப்படுத்தி உருவாகும் படத்தில் ...
• 
  துரந்தர் பட ரசிகர்களுக்கு சர்ப்ரைஸ்
• 
  ரிலீஸாகி எட்டு மாதங்களுக்குப் பிறகு ஓடிடியில் வெளியாகும் சித்தாரே ஜமீன் ...
• 
  துரந்தர் படம் பாகிஸ்தான் ரசிகர்களுக்கும் பிடிக்கும் : ஆதித்யா தர்

• 
  வேண்டுமென்றே சர்ச்சை... நீக்காவிட்டால் சட்ட நடவடிக்கை: ராஷ்மிகா ...
• 
  சிம்புவை அணுகிய சூர்யா 47 படக்குழு
• 
  பிளாஷ்பேக்: பாடலாசிரியராக, வசனகர்த்தாவாக கலையுலகின் கவனம் ஈர்த்த ...
• 
  காமெடி கலந்த க்ரைம் த்ரில்லர் படங்கள்: இந்த வார ஓடிடி வரவுகள்...!
• 
  என் மனைவி ஆர்த்தி இல்லை என்றால் தயாரிப்பாளராகி இருக்க மாட்டேன் : ...