Dinamalar

நயன்தாராவின் 'நெற்றிக்கண்' ஓடிடி ரிலீஸ் : அதிகாரப்பூர்வ அறிவிப்பு

தமிழ் சினிமாவின் முன்னணி கதாநாயகியாக நயன்தாரா, தனது காதலர் விக்னேஷ் சிவனுடன் இணைந்து ரௌடி பிக்சர்ஸ் என்ற படத் தயாரிப்பு நிறுவனத்தை ஆரம்பித்தார். அந்த நிறுவனத்தின் முதல் தயாரிப்பாக நயன்தாரா முதன்மைக் கதாபாத்திரத்தில் நடித்த 'நெற்றிக்கண்' என்ற படத்தைத் தயாரித்தனர்.

இப்படம் 2011ல் வெளிவந்த 'பிளைன்ட்' என்ற கொரியன் படத்தின் ரீமேக்காக உருவாகியுள்ளது. இப்படத்தின் டீசரைக் கடந்த வருடம் நவம்பர் மாதம் வெளியிட்டார்கள். படத்தில் பார்வையற்றவராக நயன்தாரா நடித்துள்ளார். டீசருக்கு ரசிகர்களிடம் நல்ல வரவேற்பு கிடைத்தது.

இந்தப் படம் ஆண்டு துவக்கத்திலேயே வெளிவரும் என்று எதிர்பார்க்கப்பட்டது. ஆனால், சில காரணங்களால் தள்ளிப் போனது. அதன்பின் கொரோனா இரண்டாவது அலையின் காரணமாக படத்தின் வெளியீடு எப்போது என்ற கேள்வி வந்த நிலையில், படம் ஓடிடியில் வெளியாக உள்ளதாகத் தகவல் பரவியது.

அதை உறுதிபடுத்தி படத் தயாரிப்பாளர் சற்று முன் ஓடிடி வெளியீடு பற்றி உறுதிபடுத்தியுள்ளனர். டிஸ்னி ஹாட்ஸ்டார் ஓடிடி தளத்தில் படம் வெளியாக உள்ளது. கடந்த வருட தீபாவளிக்கு நயன்தாரா நடித்த 'மூக்குத்தி அம்மன்' ஓடிடியில் நேரடியாக வெளியாகியது. அதன்பின் நயன்தாராவின் அடுத்த வெளியீடான 'நெற்றிக்கண்' படமும் ஓடிடியில் வெளியாக உள்ளது குறிப்பிட வேண்டிய ஒன்று.

• 
  முதல் குழந்தை வீட்டிற்கு வருவதற்கு முன் ஆறு குழந்தைகளை பறிகொடுத்தேன் : ...
• 
  மும்பையில் உள்ள அபார்ட்மென்ட்டை குறைந்த லாபத்திற்கு விற்ற சோனு சூட்
• 
  குடும்பத்துடன் விநாயகர் சதுர்த்தி கொண்டாடிய சல்மான்கான்
• 
  காரில் கோளாறு: ஷாரூக்கான், தீபிகா படுகோனே மீது வழக்கு
• 
  எனது சொகுசு பங்களா வீடியோவை உடனே நீக்குங்கள்! - ஆலியா பட் வைத்த ஆவேச ...

• 
  காஞ்சனா 4 படத்தில் ராஷ்மிகா மந்தனா?
• 
  ரஜினி - கமலை இணைத்து படம் இயக்க ஆசைப்படும் கே.எஸ்.ரவிக்குமார்
• 
  என்னை பிரபலப்படுத்தாதீங்க... : அஜித் பேச்சு
• 
  சினிமாவில் பாலகிருஷ்ணா 50 : வாழ்த்திய ரஜினி
• 
  சமோசா மீது எனக்கு தனி லவ் : தமன்னா