ஜூலை மாதத்தில் வெளியாகும் ராயன் | சிவகார்த்திகேயன் படத்திற்காக 14 ஆண்டுகளுக்கு பிறகு தமிழுக்கு திரும்பும் மலையாள நடிகர் | மும்பையில் தொடங்கிய குபேராவின் அடுத்தக்கட்ட படப்பிடிப்பு | அயோத்தி பட இயக்குனரின் அடுத்த பட அப்டேட் | ரத்னம் படத்திற்கு கட்டப்பஞ்சாயத்து : விஷால் வேதனை | நகைகள் மாயமானதாக புகார் : ஞானவேல்ராஜா வீட்டு பணிப்பெண் தற்கொலை முயற்சி | துருவ் விக்ரமிடம் பேச்சுவார்த்தையை தொடங்கிய சுதா | ‛இந்தியன் 2' படத்தின் தாத்தா வராரு என்ற முதல் பாடல் விரைவில் வெளியாகிறது | நடிகர் மன்சூர் அலிகான் காங்கிரஸ் கட்சியில் இணைகிறார் | வடக்கன் பட டீசர் வெளியானது |
தமிழில் ராம்குமார் இயக்கத்தில் விஷ்ணு விஷால், அமலா பால் மற்றும் பலர் நடித்து 2018ம் ஆண்டு வெளிவந்து வெற்றி பெற்ற படம் 'ராட்சசன்'. இப்படத்தை தெலுங்கில் ரமேஷ் வர்மா இயக்க, பெல்லம்கொன்டா சீனிவாஸ், அனுபமா பரமேஸ்வரன் நடிக்க ரீமேக் செய்து 'ராட்சசடு' என்ற பெயரில் 2019ம் ஆண்டு வெளியிட்டார்கள். அங்கும் படம் வெற்றியைப் பெற்றது.
தற்போது தெலுங்கில் இதன் இரண்டாம் பாகமான 'ராட்சசடு 2' படத்தை நேற்று அதன் இயக்குனர் ரமேஷ் வர்மா முதல் பார்வையுடன் அறிவிப்பை வெளியிட்டுள்ளார். படத்திற்கு ஜிப்ரான் இசையமைக்கப் போகிறார்.
இப்படத்தில் கதாநாயகனாக நடிக்க தமிழ் நடிகரான விஜய் சேதுபதியிடம் இயக்குனர் ரமேஷ் வர்மா பேசியுள்ளதாகத் தெரிகிறது. அவருக்கும் கதை பிடித்துவிட்டதாம். விஜய் சேதுபதி தற்போது 20க்கும் மேற்பட்ட படங்களில் நடித்து வருகிறாராம். அதனால், இந்தப் படத்திற்கு எப்படி தேதிகளை ஒதுக்கித் தருவார் என்பதுதான் கேள்வியாக உள்ளதாம்.
தமிழிலும் 'ராட்சசன் 2' படத்தை உருவாக்கத் திட்டமிட்டுள்ளார்கள். ஆனால், அதற்கு முன்பே தெலுங்கில் அறிவிப்பு வெளியாகிவிட்டது.