Dinamalar

அடுத்தடுத்த ஓடிடி வெளியீட்டில் ஆர்யா

கொரோனா வைரஸ் கடந்த ஆண்டு முதல் அலையாக பரவிய போது ஓடிடி தளங்களில் திரைப்படங்களை நேரடியாக வெளியிட ஆரம்பித்தார்கள். சிறிய பட்ஜெட் படங்கள் அதிகம் வெளியானாலும் ஓரிரு பெரிய பட்ஜெட் படங்களும், சில முன்னணி நடிகர்களின் படங்களும் தான் அப்படி ஓடிடியில் வெளியானது.

இதுவரையில் ஓடிடியில் வெளியான முன்னணி நடிகர்களின் படங்கள் என்று பார்த்தால் சூர்யாவின் 'சூரரைப் போற்று', மாதவன் நடித்த 'சைலன்ஸ்', ஜெயம் ரவி நடித்த 'பூமி', ஆர்யா நடித்த 'டெடி' ஆகிய மூன்று படங்களைச் சொல்லலாம்.

ஆர்யா நடித்த 'டெடி' இந்த ஆண்டு மார்ச் மாதம் ஓடிடி தளத்தில் வெளியானது. அந்தப் படத்திற்கு சிறுவர், சிறுமியர்கள் மத்தியில் நல்ல வரவேற்பு கிடைத்தது. அப்படத்தைத் தொடர்ந்து ஆர்யா நடித்துள்ள அடுத்த படமான 'சார்பட்டா பரம்பரை' படமும் ஓடிடி தளத்தில் வெளியாக உள்ளது. இப்படம் ஜுலை 22ல் அமேசான் ஓடிடி தளத்தில் வெளியாகிறது.

ஆர்யா நடித்துள்ள இரண்டு படங்கள் அடுத்தடுத்து தியேட்டர்களில் வெளியாகாமல் ஓடிடி தளத்தில் வெளியாவது குறிப்பிட வேண்டிய ஒன்று. தியேட்டர்களுக்குப் படம் போகவில்லை என்றாலும் ஓடிடியில் படங்கள் வெளியாவதால் ஆர்யாவுக்கு ரசிகர்களிடத்தில் எளிதில் சென்று சேர வாய்ப்பாக அமைந்துவிட்டது.

ஆர்யா அடுத்து 'அரண்மனை 2, எனிமி' ஆகிய படங்களில் நடித்து வருகிறார்.

• 
  விவாகரத்து நெருங்கிவிட்டது என பதிவு போட்ட ரசிகருக்கு சோனாக்ஷி கொடுத்த ...
• 
  100 கோடி ரூபாய் வீட்டிற்குக் குடிப்போகும் தீபிகா படுகோனே - ரன்வீர் சிங்
• 
  24 லட்சம் வாடகையில் புதிய அபார்ட்மென்ட்டுக்கு குடிபெயர்ந்த ஷாருக்கான்
• 
  ஜெய ஜெய ஜெய ஜெய ஹே ஹிந்தி ரீமேக்கை அமீர்கான் கைவிட்டது ஏன்? : நடிகர் புது ...
• 
  ஹிந்தி படத்தில் கரீனா கபூருக்கு ஜோடியாக இணைந்த பிரித்விராஜ்

• 
  எனக்கும் ஒரு எதிர்காலம் உள்ளது... வதந்தி பரப்பாதீங்க : பவித்ரா லட்சுமி
• 
  பிரியங்கா மோகனின் துருக்கி கனவு நனவானது
• 
  லவ் இன்ஷுரன்ஸ் கம்பெனி - அப்டேட் கொடுத்த விக்னேஷ் சிவன்
• 
  கார் பந்தய பயிற்சியின்போது மீண்டும் விபத்தில் சிக்கிய அஜித்
• 
  ரீ-ரிலீஸில் சச்சின் படத்தின் முதல் நாள் வசூல் எவ்வளவு