Dinamalar

சீரியலுக்கு குறிவைத்தேன், சினிமா கிடைத்தது: ப்ரீத்தி

ஜே.எப்.எல். புரொடக்ஷன் சார்பில் ஜே.கே. தயாரிக்கும் படம் லாகின். இப்படத்தில் நாயகர்களாக அப்புச்சி கிராமம் படத்தில் நடித்த பிரவீனும், அந்தகாரம் படத்தில் நடித்த வினோத் கிஷனும் நடிக்கிறார்கள். நாயகியாக புதுமுகம் ப்ரீத்தி நடிக்கிறார்.

சினிமாவுக்கு வந்தது பற்றி ப்ரீத்தி கூறியதாவது: எனது சொந்த ஊர் சிதம்பரம். அப்பா வெளிநாட்டு பிசினஸ் மேன். நானும், என் அண்ணனும் படிக்கிறதுக்கு வசதியாக சென்னையில் குடியிருக்கோம். என்னோட அம்மா சரியான சீரியல் பைத்தியம். ஒரு சீரியல் விட மாட்டாங்க. நான் நல்லா படிச்சு மார்க் எடுத்துட்டு போவேன் என்னை பாராட்டாமல் சீரியல் நடிகைகள் பற்றி புகழ்ந்து பேசிட்டு இருப்பாங்க.

அம்மாவோட பாராட்ட வாங்குறதுக்காகவாவது சீரியல்ல நடிக்கணும்னு ஆசைப்பட்டேன். என்ஜினீயரிங் படிச்சு முடிச்சிட்டு ஐடி வேலைக்கு ட்ரை பண்ணிட்டிருந்தப்போ என்னோட போட்டோவை சில ஏஜென்சிக்கிட்ட கொடுத்து சீரியல் வாய்ப்பு வந்தா சொல்லுங்கனுன்கு சொல்லி வச்சிருந்தேன்.
திடீர்னு ஒரு நாள் ஏஜென்சி போன் பண்ணி சினிமால நடிக்கிறீங்களான்னு கேட்டாங்க. அப்படி வந்த வாய்ப்புதான் லாகின் படம். டைரக்டர் எதிர்பார்த்த முக அமைப்போட இருந்ததால் இந்த வாய்ப்பு கிடைத்தது. இப்போது நிறைய சீரியல் வாய்ப்பு வருகிறது. என்றாலும் லாகின் வெளிவந்து மக்களிடம் எப்படியான வரவேற்பை பெறுகிறது என்பதை பொறுத்து தான் இனி சீரியலா, சினிமாவா என்று முடிவு செய்ய இருக்கிறேன் என்றார்.

• 
  பார்வையாளர்களின் பதிலை மட்டுமே மதிக்கிறேன் : பல்லவி ஜோஷி
• 
  முதல் குழந்தை வீட்டிற்கு வருவதற்கு முன் ஆறு குழந்தைகளை பறிகொடுத்தேன் : ...
• 
  மும்பையில் உள்ள அபார்ட்மென்ட்டை குறைந்த லாபத்திற்கு விற்ற சோனு சூட்
• 
  குடும்பத்துடன் விநாயகர் சதுர்த்தி கொண்டாடிய சல்மான்கான்
• 
  காரில் கோளாறு: ஷாரூக்கான், தீபிகா படுகோனே மீது வழக்கு

• 
  மூணு குழந்தைகள் பெத்துக்கணும்... ஜான்வி கூறும் காரணம்
• 
  இரண்டாவது வாய்ப்பில் வெற்றி பெறுவாரா ருக்மிணி வசந்த்?
• 
  ‛கட்டா குஸ்தி 2' படம் துவங்கியது
• 
  சுதீப்பின் அடுத்த படத் தலைப்பு 'மார்க்'
• 
  தெலுங்கில் 100 கோடி வியாபாரத்தில் 'காந்தாரா சாப்டர் 1'