Dinamalar

கொரோனாவுக்கு தனுஷ் பட புகழ் நடிகர் பலி

கொரோனா இரண்டாவது அலைக்கு திரைப்பிரபலங்களும் அதிகளவில் இறந்து வருகின்றனர். கே.வி.ஆனந்த்(மாரடைப்பு ப்ளஸ் கொரோனா), பாண்டு, பாடகர் கோமகன் உள்ளிட்டோரை தொடர்ந்து 10க்கும் மேற்பட்ட படங்களில் குணச்சித்ர நடிகராக நடித்த நிதிஷ் வீரா இன்று(மே 17) கொரோனாவுக்கு உயிரிழந்தார்.

விஷ்ணு விஷாலின் வெண்ணிலா கபடிக்குழு, தனுஷ் நடித்த புதுப்பேட்டை, அசுரன் உள்ளிட்ட படங்களில் நடித்து கவனம் ஈர்த்தவர் நிதிஷ் வீரா. தற்போது விஜய் சேதுபதி உடன் லாபம் படத்தில் நடித்துள்ளார். இப்படம் விரைவில் திரைக்கு வர உள்ளது. இந்நிலையில் கொரோனா நோய் தொற்றுக்கு ஆளான நிதிஷ், சென்னை ஓமந்தூரார் மருத்துவமனையில் சிகிச்சை பெற்று வந்தார். இந்நிலையில் இன்று(மே 17) காலை 6.30 மணியளவில் உயிரிழந்தார்.

இயக்குனர் அருண் ராஜா காமராஜின் மனைவி கொரோனாவுக்கு பலியான செய்தி வந்த சில மணிநேரங்களில் நடிகர் நிதிஷின் கொரோனா மரணமும் திரையுலகினர் இடையே அதிர்ச்சியையும், சோகத்தையும் ஏற்படுத்தி உள்ளது.

வெற்றிமாறன் இரங்கல்
‛‛நண்பர் நித்திஷ் வீரா, உடல்நலம் குறித்து நேற்று விசாரித்தேன். 2 நாட்களுக்குள் உடல்நலம் தேறிடுவார் என சொன்னார்கள். ஆனால் இன்று காலை 6 மணிக்கு அவர் இறந்துவிட்டார் என்ற செய்தி வந்தது. அவரை எனக்கு புதுப்பேட்டை படத்திலிருந்து தெரியும். அப்போது நான் உதவி இயக்குனராக இருந்தேன். தனுஷ் மூலமாக எனக்கு பழக்கம் ஆனார். அசுரனுக்கு பிறகு நிறைய படங்களில் நடிப்பதாக சொல்லிக் கொண்டிருந்தார். அவருடைய இந்த இழப்பு அவர் குடும்பத்திற்கும், என்னைப்போல அவருக்கு தெரிந்தவர்களுக்கும் மிகப்பெரிய இழப்பு'' என இயக்குனர் வெற்றிமாறன் தெரிவித்துள்ளார்.

தனுஷ் இரங்கல்
அமெரிக்காவில் உள்ள தனுஷ் டுவிட்டரில், ‛‛இந்த செய்தி மிகவும் வருத்தமளிக்கிறது. ஆழ்ந்த இரங்கல் சகோதரரே'' என பதிவிட்டுள்ளார்.

• 
  பிரதமர் மோடியின் அம்மா வேடத்தில் நடிக்கும் ரவீனா டாண்டன்
• 
  நலமாக இருக்கிறேன் : மருத்துவமனையிலிருந்து வீடு திரும்பினார் கோவிந்தா
• 
  நலமுடன் வீடு திரும்பினார் தர்மேந்திரா
• 
  சோஷியல் மீடியாவில் திடீரென வைரலான 'கிரிஜா ஓக் காட்போலி'
• 
  மன்னிக்க முடியாதது : ஹேமமாலினி கோபம்

• 
  ஆண்களுக்கும் 'பீரியட்ஸ்' ; சலசலப்பை கிளப்பிய ராஷ்மிகாவின் கருத்துக்கு ...
• 
  ரூ.100 கோடி வசூலை குவித்த 'டியூட்' முதல் வரிசை கட்டும் இந்த வார ஓடிடி ...
• 
  ஜேசன் சஞ்சய் எடுத்த சரியான முடிவு : விக்ராந்த் வெளியிட்ட தகவல்
• 
  லோகா படத்தின் புதிய பாகத்தில் மம்முட்டி : துல்கர் சல்மான் தகவல்
• 
  சின்மயியிடம் தொடர்ந்து கோரிக்கை வைத்த ஜானி மாஸ்டரின் மனைவி