Dinamalar

பழம்பெரும் நடிகர் ‛கல்தூண் திலக் கொரோனாவால் உயிரிழப்பு

பழம்பெரும் நடிகர் கல்தூண் திலக்(78), கொரோனாவால் சென்னையில் உயிரிழந்தார்.

1943ம் ஆண்டு ஏப்., 5ம் தேதி பிறந்த இவர், சினிமா மீது கொண்ட ஈர்ப்பால் நடிகர் மேஜர் சுந்தரராஜனின் நாடக்குழுவில் சேர்ந்து நடித்து வந்தார். மேஜர் சுந்தரராஜன் இயக்கத்தில் நடிகர் சிவாஜி கணேசன், கே.ஆர்.விஜயா நடிப்பில் 1981ம் ஆண்டு வெளியான படம் ‛கல்தூண். இதில் சிவாஜியின் மகனாக நடித்தார் திலக். இப்படம் தந்த புகழால் ‛கல்தூண் திலக் என பின்னர் அழைக்கப்பட்டார்.

ஆனால் இப்படத்திற்கு முன்பே, ‛‛பேர் சொல்ல ஒரு பிள்ளை, தாயில்லா குழந்தை, ஒரு ஊதாப்பூ கண் சிமிட்டுகிறது, வேலை கிடைச்சிருச்சு, வெள்ளிக்கிழமை விரதம் உள்ளிட்ட பல படங்களில் சின்ன சின்ன வேடங்களில் நடித்துள்ளார். இருந்தாலும் கல்தூண் படம் தான் இவருக்கு நல்ல அடையாளம் தந்தது. கிட்டத்தட்ட 70 படங்களில் நடித்துள்ள இவர் பெரும்பாலும் வில்லத்தனம் கலந்த வேடங்களிலேயே நடித்துள்ளார். சினிமா தவிர்த்து சின்னத்திரை சீரியல்களிலும், டிவி ஒன்றில் பழைய பாடல்களை தொகுத்து வழங்கும் நிகழ்ச்சி ஒன்றையும் வழங்கி வந்தார். மேலும் ஏவிஎம் ஸ்டுடியோவில் சில ஆண்டுகள் உதவி எடிட்டராகவும் பணிபுரிந்துள்ளார்.

சென்னையில் வசித்து வந்த இவர் கொரோனா நோய் தொற்றுக்கு ஆளாகி இன்று(மே 7) உயிரிழந்தார். கடந்த மூன்று மாதங்களில் மட்டும் தமிழ் சினிமாவில் பலர் மறைந்து வருகின்றனர். இது திரையுலகினர் மத்தியில் அதிர்ச்சி கலந்த சோகத்தை ஏற்படுத்தி உள்ளது.

• 
  வார் 2 : ஹிருத்திக் ரோஷன், ஜூனியர் என்டிஆர் இடையே நடன போட்டி?
• 
  நேரடியாக ஓடிடியில் வெளியாகும் பிரித்விராஜின் ஹிந்தி படம்
• 
  மனைவியின் பிரிவால் ஒன்றரை ஆண்டு தினந்தோறும் குடித்தேன் : அமீர்கான்
• 
  என் தந்தைக்கு புல் மீல்ஸ்... எனக்கு ஒரு ஸ்பூன் சாதம் : சல்மான்கான் சொன்ன ...
• 
  கல்கி 2898 ஏடி ஓராண்டு நிறைவு : அமிதாப்பச்சன் வெளியிட்ட பதிவு

• 
  அனுஷ்காவின் ‛காட்டி' படம் மீண்டும் தள்ளிப் போகிறதா?
• 
  சினிமாவில் அட்ஜஸ்ட்மென்ட் பிரச்னையா...? : இவானா அளித்த பதில்
• 
  திருவண்ணாமலையில் கண்ணீருடன் தரிசனம் செய்த அம்பிகா
• 
  சூர்யா சேதுபதி : தமிழ் சினிமாவில் அடுத்த வாரிசு நடிகர், வரவேற்பு பெறுவாரா ?
• 
  அல்லு அர்ஜுன் - பிரசாந்த் நீல் கூட்டணியில் 'ராவணம்'