Dinamalar

பிக்பாஸ் போட்டியாளரை வெளியேற்றலாமா ? ; கோபமான மோகன்லால்

இந்தி, கன்னடம், தெலுங்கு, தமிழை தொடர்ந்து, மலையாளத்திலும் பிக்பாஸ் நிகழ்ச்சி கடந்த இரண்டு வருடங்களுக்கு முன் ஆரம்பிக்கப்பட்டது. தற்போது இந்த நிகழ்ச்சியின் மூன்றாவது சீசன் கடந்த பிப்-14 அன்று துவங்கியது.... இந்த சீசனையும் நடிகர் மோகன்லாலே தொகுத்து வழங்குகிறார்.

இந்த நிகழ்ச்சியில் கிடிலம் பைரோஸ் என்கிற போட்டியாளர், சக போட்டியாளரான டிம்பிள் பாய் என்பவர் பற்றி அடிக்கடி கிண்டலாக கருத்துக்களை கூறி வருகிறார். குறிப்பாக டிம்பிள் பாய், தான் சிறுவயதில் கேன்சரால் பாதிக்கப்பட்டு, அதிலிருந்து மீண்டு வந்த கதையை கூறி அனைவரையும் கண்ணீர் விட வைத்தார்..

ஆனால் கிடிலம் பைரோஸோ, அதுகுறித்து அடிக்கடி விமர்சித்து பேசிவந்தார். இதனால் டிம்பிள் பாயிடம் அவர் தொடர்ந்து இப்படி நடந்துகொள்வது குறித்து, பார்வையாளர்களுக்கு மட்டுமல்ல, நிகழ்ச்சியை நடத்தும் மோகன்லாலுக்கே ஒருகட்டத்தில் கோபம் தலைக்கு மேல் சென்றுவிட்டது.

இந்த சனிக்கிழமை நிகழ்ச்சியில் கிடிலம் பைரோஸிடம் அவர் நடந்துகொண்டது பற்றி மோகன்லால் கேள்வி எழுப்பியபோது அதற்கும் கிடிலம் பைரோஸ் அலட்சியமாக பதில் சொன்னார். இதனால் கோபமான மோகன்லால், டிம்பிள் பாயிடம், கிடிலம் பைரோஸ் இந்த நிகழ்ச்சியில் தொடரக்கூடாது என நீங்கள் விரும்பினால் அவரை வெளியேற்றலாம் என கூறினார்.

ஆனால் டிம்பிள் பாய் பெருந்தன்மையாக “கிடிலம் பைரோஸை வெளியேற்ற விரும்பவில்லை என்றும், என் மன அமைதிக்காக அவரை மன்னித்து விட்டேன், அவர் இந்த வீட்டில் இருக்க வேண்டும்” என்றும் பதில் அளித்தார். இதனால் கிடிலம் பைரோஸ் வெளியேற்றத்தில் இருந்து தப்பித்தார்.,

கடந்த வருடம் இதேபோல் பிக்பாஸ் சீசன்-2வில் 66வது எபிசோடில் வைக்கப்பட்ட டாஸ்க் ஒன்றில் போட்டியாளர்களில் ஒருவரான பேராசிரியர் ரஜித்குமார் என்பவர் சக போட்டியாளரான ரேஷ்மா ராஜன் என்பவர் முகத்தில் மிளகாய் பேஸ்ட் தடவினார்.. டாஸ்க்கிற்காக செய்ததாக ரஜித்குமார் காரணம் கூறினாலும் இனி அவர் இந்த பிக்பாஸ் வீட்டில் இருக்கக் கூடாது என உறுதியாக நின்றார் ரேஷ்மா ராஜன். இதனை தொடர்ந்து இந்த நிகழ்ச்சியில் இருந்து நிரந்தரமாக நீக்கப்பட்டார் ரஜித்குமார்

• 
  புதிய ஹிந்தி படத்தில் கமிட்டாகும் ராஷ்மிகா
• 
  பாலிவுட்டில் மீண்டும் பரபரப்பாகும் சினிமா படப்பிடிப்புகள்
• 
  சிபிஐ அதிகாரியாக நடிக்கும் ஸ்ரீசாந்த்
• 
  உதவி கேட்டு சோனு சூட்டை சந்திக்க 700 கிலோ மீட்டர் நடந்து வந்த சிறுவன்
• 
  சுஷாந்த் சிங் படத்துக்கு எதிரான வழக்கு தள்ளுபடி

• 
  புட்டபொம்மாவுக்கு ஆட தயாராகும் க்ரீத்தி சனான்
• 
  சதுரங்க ராஜாவுடன் மோதும் கிச்சா சுதீப்
• 
  மகேஷ்பாபு தத்தெடுத்த கிராமத்திற்கு தடுப்பூசி பணிகள் நிறைவு
• 
  அல்லு அர்ஜுன் படத்தில் சிரஞ்சீவியின் ரீமிக்ஸ் பாடல்
• 
  தன் குரலில் பேசி மோசடி: மிமிக்ரி கலைஞரை எச்சரித்த பிருத்விராஜ்