Dinamalar

தியேட்டர்களிலும் தொடரும் 'மாஸ்டர்'

லோகேஷ் கனகராஜ் இயக்கத்தில், அனிருத் இசையமைப்பில், விஜய், விஜய்சேதுபதி, மாளவிகா மோகனன் மற்றும் பலர் நடித்த 'மாஸ்டர்' படம் இந்த மாதம் 13ம் தேதி உலகம் முழுவதும் வெளியானது.

தமிழ், தெலுங்கு, கன்னடம், மலையாளம், ஹிந்தி ஆகிய மொழிகளில் தியேட்டர்களில் வெளியான இப்படம் இன்று தமிழ், தெலுங்கு, மலையாளம் ஆகிய மொழிகளில் மட்டும் ஓடிடி தளத்தில் வெளியாகி உள்ளது.

படம் இன்று ஓடிடியில் வெளியானாலும் தியேட்டர்களில் இன்னும் தொடர்ந்து கொண்டுதான் இருக்கிறது. படம் வெளிவந்து மூன்றாவது வாரத்தைத் தொட்ட பின்னும் தியேட்டர்களுக்கு மக்கள் வருகை புரிவது தியேட்டர்காரர்களுக்கு ஆச்சரியமாகத்தான் உள்ளதாம். அதனால்தான், படத்தை ஓடிடியில் வெளியிடுவதை அவர்கள் எதிர்த்ததாக கோலிவுட் வட்டாரங்களில் தெரிவிக்கிறார்கள்.

நாளை விடுமுறை தினம் என்பதால் சில மல்டிபிளக்ஸ் தியேட்டர்களில் சில காட்சிகளுக்கு 90 சதவீத டிக்கெட்டுகள் கூட விற்றுத் தீர்ந்துள்ளன. விஜய் நடித்த படம் ஒன்று இவ்வளவு விரைவாக ஓடிடி தளத்தில் வெளிவருவது இதுவே முதல் முறை. இப்படத்தை ஓடிடி தளத்தில் அடுத்த சில நாட்களில் அதிகம் பேர் பார்க்க வாய்ப்புள்ளது என்றும் தெரிவிக்கிறார்கள்.

அடுத்த வாரம் திங்கள் கிழமைக்குப் பிறகு 'மாஸ்டர்' பல தியேட்டர்களில் இருந்து தூக்கப்படலாம்.

• 
  சென்சார் போர்டின் இரட்டை நிலைப்பாடு ; தி கேரளா ஸ்டோரி இயக்குனர் ...
• 
  துபாயில் சிக்கிக்கொண்ட பாலிவுட் நடிகை ; உதவி கேட்டு பிரதமருக்கு கோரிக்கை
• 
  நடிப்பு உலகில் அடியெடுத்து வைத்த கிரிக்கெட் நடுவர் அனில் சவுத்ரி
• 
  துரந்தர் 2 படத்தின் முதல் விமர்சனத்தை வெளியிட்ட யாமி கவுதம்
• 
  தென்னிந்திய இயக்குனரை தேடும் ஹிருத்திக் ரோஷன்

• 
  பெத்தி படத்தின் டப்பிங் பணிகளை துவங்கிய ராம் சரண்
• 
  அதிர்ஷ்டசாலி படத்திற்கு அதிர்ஷ்டம்
• 
  கடைசி நிமிடங்களில் கத்தாரில் இருந்து தப்பிய சந்தோஷ் நாராயணன்
• 
  கிராமத்து கோவிலில் சிறப்பு பூஜை நடத்திய விஜய் தேவரகொண்டா, ராஷ்மிகா
• 
  தயாரிப்பு நிறுவனம் தொடங்கிய ரியோ ராஜ்