Dinamalar

மகன் படப்பிடிப்பிற்காக அதிகாரத்தை பயன்படுத்தவில்லை ; சுமலதா எம்.பி விளக்கம்

தமிழில் முரட்டுக்காளை உள்ளிட்ட சில படங்களில் நடித்தவர் நடிகை சுமலதா. மறைந்த கன்னட நடிகரும் எம்.பியுமான அம்பரீஷன் மனைவியான இவர் கணவரின் மறைவை தொடர்ந்து தானும் அரசியலில் குதித்து தற்போது எம்.பியாகவும் பொறுப்பு வகித்து வருகிறார். இந்தநிலையில் இவரது மகன் அபிஷேக் அம்பரீஷ் கதாநாயகனாக நடித்து வரும் 'பேட் மேனர்ஸ்' என்கிற படத்தின் படப்பிடிப்பிற்காக தனது அதிகாரத்தை தவறாக பயன்படுத்தியுள்ளார் என்கிற குற்றச்சாட்டு எழுந்துள்ளது.

கர்நாடகாவில் மாண்டியாவில் உள்ள அரசாங்கத்தால் மூடப்பட்ட, செயல்படாத சர்க்கரை ஆலை ஒன்றை திறந்து, இதன் படப்பிடிப்பு நடைபெற்றுள்ளது. இதற்கான அனுமதியை தனது எம்.பி என்கிற அரசியல் அதிகாரத்தின் மூலமாக சுமலதா பெற்று தந்துள்ளார் என அந்த பகுதியை சேர்ந்த விவசாய அமைப்பினர் குற்றம் சாட்டியுள்ளனர். ஆனால் இதில் துளியும் உண்மையில்லை என மறுத்துள்ளார் சுமலதா

“எனது மகன் நடித்து வரும் படக்குழுவினரே சம்பந்தப்பட்ட அரசு துறையில் முறையான அனுமதியை பெற்றுத்தான் படப்பிடிப்பை நடத்தியுள்ளனர். இதில் என் பெயரை இழுப்பது அரசியல் ஆதாயத்திற்காகத்தான். இப்படி குற்றச்சாட்டை கூறியுள்ளவர்களுக்கு ஒரு விஷயத்தை மட்டும் தெளிவுபடுத்த விரும்புகிறேன், இதுபோன்ற படப்பிடிப்புகள் மூலம் உள்ளூர் வருமானம் அதிகரிக்கவும், உள்ளூர் சுற்றுலா வளரவும் தான் செய்யும் என்பதையும் அவர்கள் உணர வேண்டும்” என விளக்கம் கூறியுள்ளார் சுமலதா எம்பி.

• 
  மகனை இயக்குனராக அறிமுகப்படுத்தும் ஷாருக்கான்
• 
  வாழ்க்கையை குறை சொல்லாதீங்க : தோல்வி குறித்து ஷாரூக்கான் தந்த அறிவுரை
• 
  உண்மையை வெளிக்கொண்டு வந்துள்ளது: 'தி சபர்மதி ரிப்போர்ட்' படத்திற்கு ...
• 
  கங்குவா பட நாயகி திஷா பதானியின் தந்தையிடம் ரூ.25 லட்சம் மோசடி
• 
  வளர்ப்பு மகள் மீது 50 கோடி நஷ்ட ஈடு கேட்டு வழக்கு தொடர்ந்த நடிகை

• 
  இளம் நடிகருடன் காதலா? - கோட் நடிகை விளக்கம்
• 
  ஏஆர் ரஹ்மான் பிரிவுக்கும், மோகினி டே பிரிவுக்கும் சம்பந்தம் இல்லை: சாய்ரா ...
• 
  என் மகளை மீட்டு தந்தது செட்டிக்குளங்கரா தேவி தான் : நயன்தாரா அம்மா ...
• 
  கிஸ் படத்திலிருந்து அனிரூத் விலகலா?
• 
  சம்பந்தி இது சரியில்லை : ‛ராஜாகிளி' பட விழாவில் அர்ஜூன் கலாட்டா