Dinamalar

சிரஞ்சீவி படத்திற்கு இசையமைக்கும் தமன்

தெலுங்கில் கடந்த வருடம் வெளிவந்த 'அலா வைகுந்தபுரம்லோ' படத்தின் மூலம் அதிக வரவேற்பைப் பெற்றவர் தமன். அப்படம் அவருக்கு பெரிய திருப்புமுனையை ஏற்படுத்திக் கொடுத்தது. அதன் காரணமாக பல முன்னணி நடிகர்களின் படங்களுக்கு இசையமைக்கும் வாய்ப்பைப் பெற்று வருகிறார்.

அடுத்து சிரஞ்சீவி நடிக்க உள்ள 'லூசிபர்' தெலுங்கு ரீமேக் படத்திற்கு இசையமைக்கும் வாய்ப்பைப் பெற்றுள்ளார். தமிழில் சில வெற்றிப் படங்களைக் கொடுத்த மோகன்ராஜாதான் அப்படத்தின் இயக்குனர். மற்ற நடிகர்கள், நடிகைகளின் தேர்வு விறுவிறுப்பாக நடைபெற்று வருகிறது.

இசையமைக்கும் வாய்ப்பை யார் பெறுவார்கள் என்ற சஸ்பென்ஸுக்கு தற்போது விடை கிடைத்துவிட்டது. முதல் முறையாக சிரஞ்சீவி நடிக்கும் படத்திற்கு இசையமைக்கும் வாய்ப்பைப் பெற்றுள்ள தமன் மிகவும் மகிழ்ச்சி அடைந்துள்ளார்.

“எந்த ஒரு இசையமைப்பாளருக்கு பெரும் கனவான ஒரு விஷயம். நமது பாஸ் சிரஞ்சீவி சார் மீது நான் எந்த அளவுக்கு அன்பு வைத்துள்ளேன் என்பதைக் காட்டக் கூடிய சந்தர்ப்பம். சிரஞ்சீவி சார், சகோதரர் மோகன் ராஜா ஆகியோருடன் எங்களது இசைப்பயணத்தை ஆரம்பித்துவிட்டோம்,” என மகிழ்வுடன் டுவிட்டரில் பதிவிட்டுள்ளார்.

வாய்ப்பைப் சரியாகப் பயன்படுத்தி காப்பி அடிக்காமல் இசையமையுங்கள் என குறும்புக்கார சிரஞ்சீவி ரசிகர்கள் அதில் கமெண்ட் செய்து வருகிறார்கள்.

• 
  'தி பேமிலி மேன் 3' ரிலீஸ்: பதட்டமாகவும், சந்தோஷமாகவும் இருக்கு: மனோஜ் ...
• 
  நலமாக இருந்தால்தான் நல்லதைத் தர முடியும்: தீபிகா படுகோனே
• 
  பெரிய சம்பளத்தை மட்டுமே எதிர்பார்த்து நான் நடிப்பதில்லை : தீபிகா படுகோனே ...
• 
  ரன்வீர், சாரா நடித்துள்ள துரந்தர் பட டிரைலர் வெளியானது
• 
  இந்த 3 விஷயங்களும் முக்கியமானவை : தீபிகா படுகோனே

• 
  இது மட்டும் நடந்தால் பிசாசு 2 படத்தை நானே ரிலீஸ் செய்வேன் : ஆண்ட்ரியா
• 
  கோவா சர்வதேச திரைப்பட விழா தொடங்கியது : பாலகிருஷ்ணாவுக்கு கவுரவம்
• 
  ரஜினியின் 'ஜெயிலர்-2' படத்தில் இணைந்த ஹிந்தி நடிகை அபேக்ஷா போர்வல்!
• 
  15 கிலோ எடை குறைத்த கிரேஸ் ஆண்டனி!
• 
  கோவா சர்வதேச திரைப்பட விழாவில் திரையிடப்படும் அமரன்!