Dinamalar

இன்றைய கல்வி முறையை விமர்சிக்கும் பாடம்

இன்றைக்குள்ள கல்வி முறையை கடுமையாக விமர்சித்து பல படங்கள் வந்து கொண்டிருக்கிறது. பசங்க 2, தொண்டன், அச்சமின்றி, உள்ளிட்ட பல படங்கள் வந்தது தற்போதும் பல படங்கள் தயாராகி வருகிறது, அவற்றில் ஒன்று பாடம், இயக்குனர் ராஜேஷின் உதவியாளர் ராஜசேகர் இயக்கி உள்ளார். ரோலன் மூவீஸ் சார்பில் ஜிபின் தயாரித்துள்ளர், கார்த்திக், மோனா என்ற புதுமுகங்கள் நடித்திருக்கிறார்கள். கணேஷ் ராகவேந்திரா இசை அமைத்துள்ளர், மனோ ஒளிப்பதிவு செய்துள்ளர். படம் பற்றி ராஜசேகர் கூறியதாவது:

சமீபத்தில் கூட ஒரு உயிரை பறித்த ஒரு முக்கிய சமுதாய பிரச்னையை பற்றி தன் பாடம் பேசும். தமிழ் மீடியத்தில் படிக்கும் மாணவர்கள் மீது ஆங்கில கல்வியையும், மொழியையும் திணித்தால் நடக்கும் சீர்கேடுகள் பற்றியே படம் இது. ஆங்கிலம் என்பது வெறும் ஒரு மொழியே தவிர வாழ்வு முறை கிடையாது என்பது நம்மில் பலருக்கு புரிவதில்லை. இதனை மையமாக வைத்து, ஒரு மாணவனுக்கும் அவனது ஆசிரியருக்கும் இடையே நடக்கும் போர் தான் பாடம் .

இந்த போரில் மாணவன் எப்படியெல்லாம் சவால்களை சந்தித்து வெற்றி பெற்றான் என்பதே இப்படத்தின் கதை. புத்துணர்வும் தன்னம்பிக்கையும் ஊட்டும் படமாக இது இருக்கும். நமது முறையற்ற கல்விமுறையையும், பெற்றோர்களின் மனநிலையையும், மாணவர்கள் மீது போடப்படும் சமுதாய அழுத்தங்களையும் இப்படம் அலசும். எல்லா மாணவர்களும், பெற்றோர்களும், ஆசிரியர்களும் தங்களை பாடம் கதையுடன் இணைத்துக் கொண்டு ரசித்து மகிழ்வார்கள் என நம்புகிறேன் என்கிறார் ராஜசேகர்.

• 
  நகைச்சுவைக்கு நேரமும் இயல்பான வெளிப்பாடும் அவசியம் : ஷ்ரேயா ஷர்மா
• 
  ஹிந்தியில் படத்துக்கு வரவேற்பு: புனேவுக்கு நடிகர் தனுஷ் விசிட்
• 
  நான் விளம்பரப்படுத்தியது குட்காவை அல்ல ஏலக்காயை.. சல்மான் கான் சமாளிப்பு ...
• 
  என்டிஆர், நீல் படத்தில் இணைந்த பிரபல பாலிவுட் நடிகர்!
• 
  மகளுக்கு பெயர் சூட்டிய கியாரா அத்வானி - சித்தார்த் மல்கோத்ரா தம்பதி!

• 
  'திரெளபதி 2' படத்தில் பாடியதற்காக மன்னிப்பு கேட்ட சின்மயி
• 
  மஞ்சு வாரியரிடம் கமல் வைத்த கோரிக்கை
• 
  ரியோ ராஜ் நடிக்கும் 'ராம் இன் லீலா'
• 
  இயக்குனர் ராஜ் நிடிமொருவை 2வது திருமணம் செய்தார் சமந்தா
• 
  நடிகை கனகா தந்தையும் இயக்குனருமான தேவதாஸ் காலமானார்