Dinamalar

மதம் மாறிய மகளுக்கு வாழ்த்து சொன்ன கமல்

புத்த மதத்திற்கு மாறிய மகள் அக்ஷரா ஹாசனுக்கு, நடிகர் கமலஹாசன் டுவிட்டரில் வாழ்த்து தெரிவித்துள்ளார்.

கமலின் இரண்டாவது மகள் அக்ஷரா. இவர் தற்போது அஜித் நடித்துள்ள விவேகம் படத்தில் முக்கிய வேடத்தில் நடித்துள்ளார். இவர் புத்த மதத்திற்கு மாற உள்ளதாக கடந்த சில நாட்களுக்கு முன் வதந்தி பரவியது. ஆனால் அக்ஷரா அதனை மறுத்தார்.

இந்நிலையில் புத்த மதத்திற்கு மாறிய மகளுக்கு கமல் தனது டுவிட்டர் பக்கத்தில் வாழ்த்து தெரிவித்துள்ளார். கமல் தனது டுவிட்டர் பக்கத்தில் வெளியிட்டுள்ள பதிவில், அக்ஷ்ரா... புத்த மதத்திற்கு மாறி விட்டாயாமே. அப்படி மாறி இருந்தால் எனது வாழ்த்துக்கள். மதங்களைப் போல் அல்லாமல் நிபந்தனையின்றி அன்பு செலுத்த வேண்டும். களிப்புடன் வாழ வாழ்த்துக்கள். இவ்வாறு அவர் குறிப்பிட்டுள்ளார்.

• செய்திகள்
• ஆல்பம்