சூர்யா பட இயக்குனருடன் இணையும் விஜய் தேவரகொண்டா | எந்த நிலையிலும் உமக்கு மரணமில்லை : கண்ணதாசனை புகழ்ந்த கமல் | நான் ஒரு கிளீன் ஸ்லேட் : மமிதா பைஜு | ‛அரசன்' புரொமோ பயராக உள்ளது : அனிருத்திற்கு சிம்பு பாராட்டு | ‛ரெட்ட தல' படத்தின் கதைக்கரு இதுதான் : இயக்குனர் தகவல் | ஹீரோ அவதாரம் எடுக்கும் தேவி ஸ்ரீ பிரசாந்த் | கேரளா திரைப்பட விநியோகஸ்தர் சங்கத்திற்கு சுப்ரீம் கோர்ட் நோட்டீஸ் | ஒரு டஜன் வாழைப்பழம் மட்டும் சம்பளமாக பெற்றுக்கொண்டு நடித்த கோவிந்தா | பெண் குற்றச்சாட்டை தொடர்ந்து உதவி இயக்குனர் மீது காவல்துறையில் புகார் அளித்த துல்கர் சல்மான் நிறுவனம் | பாகுபலி : தி எபிக் ரன்னிங் டைம் சென்சார் சான்றிதழ் வெளியானது |
டிரான்ஸ் இந்தியா நிறுவனம் சார்பில் ராஜேந்திரா எம்.ராஜன், புனிதா ராஜன் தயாரித்துள்ள படம் நாகேஷ் திரையரங்கம். இஷாக் என்பவர் இயக்கி உள்ளார். ஆரி, ஆஸ்னா ஜவேரி, லதா, சித்தாரா, காளி வெங்கட், மனோபாலா உள்பட பலர் நடித்துள்ளனர். இந்தப் படத்துக்கு தடைகேட்டு நாகேஷின் மகனும், நடிகருமான ஆனந்த்பாபு சென்னை உயர்நீதிமன்றத்தில் வழக்கு தொடர்ந்துள்ளார். அவர் தாக்கல் செய்துள்ள மனுவில் கூறியிருப்பதாவது:
என்னுடைய தந்தை நாகேஷ் ஆயிரம் படங்களுக்கு மேல் நடித்தவர். அவர் சென்னை டி.நகரில் நாகேஷ் திரையரங்கம் என்ற பெயரில் ஒரு தியேட்டரை கட்டி நடத்தினார். தற்போது அந்த தியேட்டரின் பெயரிலேயே நாகேஷ் திரையரங்கம் என்ற பெயரில் ஒரு படம் தயாராகிறது. இந்த பெயரை வைப்பதற்கு படத்தின் சார்பில் யாரும் எங்கள் குடும்பத்திடம் அனுமதி பெறவில்லை.
எனது தந்தையின் நற்பெயருக்கு களங்கம் ஏற்படுத்தும் விதமாக இந்த படத்தின் தலைப்பு அமைந்துள்ளது. எனவே படத்தை தடை செய்ய வேண்டும். எங்கள் அனுமதி இன்றி நாகேஷ் திரையரங்கம் என்று தலைப்பு வைத்ததற்கு 50 லட்சம் ரூபாய் நஷ்டஈடு வழங்க உத்தரவிடவேண்டும். இவ்வாறு அந்த மனுவில் கூறப்பட்டுள்ளது.
மனுவை விசாரணைக்கு ஏற்றுக் கொண்ட நீதிமன்றம் இதற்கு பதில் அளிக்கும்படி படத்தின் தயாரிப்பாளர், இயக்குனர், தயாரிப்பாளர் சங்கத் தலைவர் விஷால் ஆகியோருக்கு நோட்டீஸ் அனுப்ப உத்தரவிட்டார்.