Dinamalar

விஜய்யை இயக்க ஆசைப்படும் விஷால்!

விஜய் ஹீரோவாக நடிப்பதாக இருந்தால், நான் டைரக்டர் ஆகி படம் இயக்க தயாராக இருக்கிறேன் என்று நடிகர் விஷால் கூறியுள்ளார். நடிகர் விஷால் ஹீரோவாக அறிமுகம் ஆவதற்கு முன்பு துணை இயக்குனராகத்தான் சினிமாவில் பணியாற்றி வந்தார். இயக்குனர் ஆக வேண்டும் என்பதுதான் அவரது லட்சியமாக இருந்தது. ஆனால் சந்தர்ப்ப சூழ்நிலை அவரை ஹீரோவாக்கி, அடுத்தடுத்து வெற்றியையும் கொடுத்ததால் தொடர்ந்து ஹீரோவாக நடித்துக் கொண்டிருக்கிறார். அதுவும் பாலாவின் அவன் இவன் படத்தில் நடித்ததில் இருந்து விஷாலின் மாஸ் ரொம்பவே கூடிவிட்டது.

இந்நிலையில் அவர் அளித்துள்ள பேட்டியில் தனது டைரக்டர் ஆசை பற்றி கூறியிருக்கிறார். விஜய்க்காக ஒரு கதை வச்சுருந்தேன். நடிச்சா அவர் மட்டும்தான் அதில் நடிக்க முடியும். அவர் சம்மதிச்சா இப்பவும் நான் டைரக்டர் ஆக ரெடி என்று அந்த பேட்டியில் கூறியிருக்கிறார் விஷால்.

• இவரை பற்றி
• செய்திகள்
• ஆல்பம்