Dinamalar

குணசித்ர நடிகராகும் காளி வெங்கட்!

தெகிடி, முண்டாசுப்பட்டி படங்களுக்குப்பிறகு கவனிக்கப்பட்ட காமெடியன் காளி வெங்கட். அதையடுத்து மாதவன் நடித்த இறுதிச்சுற்று படத்தில் ரித்திகா சிங்கின் தந்தையாக சாமிக்கண்ணு என்ற வேடத்தில் நடித்து பேசப்பட்டார். அதன்காரணமாக, சமீபத்தில் வெளியான ராஜாமந்திரி படத்தில் கலையர சனுடன் இணைந்து நடித்தார். அதில் கலையரசன் ஹீரோ என்றபோதும், அவருக்கு இணையாக காளி வெங்கட்டிற்கும் கதையில் முக்கியத்துவம் இருந்தது. அதோடு காதலியை நினைத்து பாடும் ஒரு பாடலும் அவருக்கு அந்த படத்தில் கொடுத்தனர்.

அதனால் இப்போது குணசித்ரம், காமெடி என இரண்டுவிதமான வேடங்களில் கலந்து நடிக்கத் தொடங்கியிருக்கும் காளிவெங்கட், முடிந்தவரை கதைகளில் தனக்கும் பங்கு இருக்க வேண்டும் என்கிற ரீதியில் படங்களை செலக்ட் பண்ணி நடித்து வருகிறார். அந்த வகையில், தற்போது ஜெய்யுடன் நடித்து வரும் எனக்கு வாய்த்த அடிமைகள் படத்திலும் காளிவெங்கட்டிற்கு முக்கியமான வேடம் கொடுக்கப்பட்டுள்ளதாம். காமெடியன் கதாபாத்திரம் என்றாலும், காதலுக்கு கைகொடுப்பது. அட்வைஸ் கொடுப்பது என குணசித்ரம் கலந்த கமெடியனாக நடித்து வருகிறார் காளிவெங்கட்.

• செய்திகள்