Dinamalar

ரசிகர்களுடன் பிறந்த நாளை கொண்டாடுவாரா விஜய்?

நடிகர் விஜய் 1974ம் ஆண்டு ஜூன் மாதம் 22-ந்தேதி பிறந்தவர். அந்த வகையில் அவருக்கு வருகிற 22-ந்தேதி 41 வயது முடிந்த 42 வயது பிறக்கிறது. மேலும், கடந்த சில ஆண்டுகளாகவே தனது பிறந்த நாளை ரசிகர் களுடன் விமரிசையாக கொண்டாடி வருகிறார் விஜய். சென்னையில் ஒரு பெரிய அரங்கத்தை ரெடி பண்ணி அங்கு ரசிகர்கள் முன்னிலையில் விஜய்யின் பிறந்தநாள் விழாக்கள் நடந்து வருகிறது. விழாவில் வெளியூர்களில் இருந்து விஜய் ரசிகர்கள் பெருந்திரளாக சென்னை வந்து அவரை வாழ்த்தி வந்தனர்.

ஆனால், தற்போது பரதன் இயக்கும் எங்க வீட்டு பிள்ளை படத்தில் நடித்து வரும் விஜய், ஐதராபாத்தில் முகாமிட்டுள்ளார். ஜூன் 25-ந்தேதிக்கு பிறகுதான் அவர் அங்கிருந்து சென்னை திரும்புகிறார். இதனால் விஜய் தனது பிறந்த நாள் அன்று சென்னை வருவாரா? இல்லை ஐதராபாத்திலேயே பிறந்த நாளை கொண்டாடி விடுவாரா? என்கிற கேள்விகள் எழுந்துள்ளன. ஆனபோதும், விஜய் ரசிகர்கள் எப்போதும் போலவே வெளியூர்களில் இருந்து சென்னை வந்து விஜய் பிறந்த நாளை கொண்டாட தயாராகிக்கொண்டிருக்கிறார்கள்.

• இவரை பற்றி
• செய்திகள்
• ஆல்பம்