சூர்யாவின் கங்குவா குறித்து ஜோதிகா வெளியிட்ட தகவல் | மே 10ல் அஜித் இல்லாமல் தொடங்கும் குட் பேட் அக்லி படப்பிடிப்பு | முதலாவது 4ம் பாகத் திரைப்படம் - அசத்துமா அரண்மனை 4? | விரைவில் 'பாகுபலி' அனிமேஷன் சீரிஸ் | 'சங்கமித்ரா' படம் உருவாகும், சுந்தர் சி நம்பிக்கை | நடனத்தை கிண்டலடித்தவர்களுக்கு உருக்கமாக கோரிக்கை வைத்த ஜிமிக்கி கம்மல் நடிகை | பிரபாஸ் படத்திற்காக மகாபலிபுரத்தில் முகாமிட்டுள்ள தமன் | இல்லாத மகளைப் பற்றி மகன் கேட்டால் என்ன சொல்வேன்? - நவ்யா நாயர் கிண்டல் | ரிவால்வர் ரீட்டா படப்பிடிப்பு நிறைவு | பகலறியான்: ஒரே இரவில் நடக்கும் கதை |
அஜித் படம் போலவே தனுஷ் தற்போது நடித்து வரும் 'வேலையில்லா பட்டதாரி' படத்தின் இரண்டாம் பாகத்திற்கு இன்னும் பெயர் வைக்கவில்லை. அஜித் படத்திற்காவது படப்பிடிப்பு முடிவடைதற்குள் பெயரை அறிவித்துவிடுவார்கள். ஆனால், 'வேலையில்லா பட்டதாரி' படத்தின் படப்பிடிப்பு மொத்தமாக நேற்றுடன் முடிவடைந்துவிட்டது. இருந்தாலும் இன்னும் படத்தின் பெயரை அறிவிக்கவில்லை. ஒரு வேளை 'வேலையில்லா பட்டதாரி 2' என்றே பெயர் வைத்தாலும் வைத்துவிடுவார்கள் போலிருக்கிறது.
தனுஷ் ஜோடியாக முதல்முறையாக சமந்தா, எமி ஜாக்சன் மற்றும் பலர் நடிக்க முதல் பாகத்தை இயக்கிய வேல்ராஜ் இந்தப் படத்தை இயக்குகிறார். விரைவில் இந்தப் படத்தின் முதல் பார்வையை வெளியிட இருக்கிறார்கள். இறுதிக்கட்டப் பணிகள் முடிவடைந்ததும் படத்தின் வெளியீட்டுத் தேதியையும், இசை வெளியீட்டையும் அறிவிப்பார்கள் என்று தெரிகிறது. நவம்பர் மாதக் கடைசியில் படம் வெளிவரலாம் என்கிறார்கள்.
முதல் பாகத்தின் வெற்றியைத் தொடர்ந்து இந்தப் படத்திற்கும் வினியோகஸ்தர்களிடம் வரவேற்பு இருக்கிறது. தனுஷ் இதற்கு முன் நடித்து வெளிவந்த “மாரி, அனேகன்” ஆகிய படங்கள் 'வேலையில்லா பட்டதாரி' படத்தின் வெற்றியை நெருங்கவில்லை என்பதே உண்மை. மீண்டும் ஒரு பெரிய வெற்றியை எதிர்பார்த்து தனுஷ் காத்துக் கொண்டிருக்கிறார்.