Dinamalar

ஆங்கில படம் இயக்குகிறார் சந்தோஷ் சிவன்

பிரபல ஒளிப்பதிவாளர் சந்தோஷ் சிவன் நல்ல இயக்குனரும்கூட. அவர் இயக்கிய படங்கள் விருதுகளையும் வென்று இருக்கிறது. விமர்சனங்களையும் எதிர்கொண்டிருக்கிறது. மல்லி, டெரரிஸ்ட், உருமி, இனம் படங்களை இயக்கினார். இதில் உருமி மலையாளத்தில் கமர்ஷியல் ரீதியாகவும் வெற்றி பெற்ற படம்.

தற்போது அவர் லைஸ் பி டெல் என்ற ஆங்கிலப் படத்தை இயக்கி வருகிறார். அதில் பிரபல ஆங்கில நடிகர் ஹார்வி கைய்டல், கேப்ரியல் பைன் ஆகியோருடன் இந்தி நடிகர் ஓம்புரி, வங்காள நடிகை எமிலி உள்பட பலர் நடிக்கிறார்கள். தற்போது லண்டனில் இதன் படப்பிடிப்பு நடந்து வருகிறது. 50 சதவிகித படப்பிடிப்புகள் முடிந்திருப்பதாகவும், அடுத்த ஆண்டு வெளிவரும் என்று தகவல்கள் தெரிவிக்கிறது.

• செய்திகள்