Dinamalar

கவுதமி புகழ் பாடும் த்ரிஷா!

ஸ்லீப்லெஸ் நைட் என்ற ஹாலிவுட் படத்தின் ரீமேக்தான் கமலின் தூங்காவனம். முறைப்படி ரைட்ஸை வாங்கிதான் படமாக்கியுள்ளார்களாம். ஒரு இரவில் நடக்கும் கதையில் உருவாகியிருக்கும் இந்த படத்தை கமலின் உதவியாளர் ராஜேஷ் எம்.செல்வா இயக்கியுள்ளார். த்ரிஷா நாயகியாக நடித்துள்ள இந்த படத்தில் பாபநாசம் படத்தில் பெண் போலீஸ் ஐஜியாக நடித்த ஆஷா சரத் கமலின் மனைவியாக நடித்துள்ளார். ஆனால் பாபநாசம் படத்தில் கமலின் மனைவியாக நடித்த கெளதமி இந்த படத்தில் காஸ்ட்யூடிசைனராக ஒர்க் பண்ணியுள்ளார்.

குறிப்பாக, த்ரிஷாவின் அழகு விசயத்தில் அதிக அக்கறை காட்டியுள்ளார் கெளதமி. ஹாலிவுட் படத்தில் நாயகியாக நடித்தவர் ஒவ்வொரு காட்சிகளிலும் எந்த மாதிரியான காஸ்டியும் அணிந்து நடித்திருந்தாரோ அதற்கும் மேலாக த்ரிஷாவுக்கான காஸ்டியூம்களை ரெடி பண்ணி நடிக்க வைத்துள்ளாராம். அதோடு, அந்த காஸ்டியூக்கு ஏற்ற மேக்கப் போட்ட பிறகே கேமரா முன்பு த்ரிஷா செல்ல அனுமதித்தாராம் கெளதமி.

இதுபற்றி த்ரிஷா கூறுகையில், இதுவரை 49 படங்களில் நடித்த என்னை இந்த அளவுக்கு எந்த படத்திலும் புதுமையான காஷ்ட்யூம் அணிந்து நடிக்க வைக்கவில்லை. ஆனால் எனது 50 வது படமான தூங்காவனத்தில் என்னை தேவதை போன்று அலங்கரித்து விட்டார் கெளதமி. என்னை இவ்வளவு அழகாக காண்பித்ததற்காக அவருக்கு நான் பெரிய நன்றி சொல்ல வேண்டும் என்று கூறிவரும் த்ரிஷா, உண்மையிலேயே கெளதமி மேடம் நல்ல ரசனை உள்ளவர். காரணம், ஹாலிவுட் நடிகை அணிந்தது போன்ற காஸ்ட்யூம் என்றாலும் தனது கை வண்ணத்தில் நிறைய புதுமைகளையும் செய்தார். அதனால்தான் நான் தூங்காவனம் படத்தில் ரொம்ப அழகாக தெரிகிறேன் என்கிறார்.

• இவரை பற்றி
• செய்திகள்
• ஆல்பம்